തിരുവനന്തപുരം: ക്ഷേത്രസംരക്ഷക്ഷണ സമിതിയുടെ ആഭിമുഖ്യത്തില് കവടിയാര് മഹാദേവക്ഷേത്രം ട്രസ്റ്റ് ഏര്പ്പെടുത്തിയ ധര്മ്മരക്ഷാ പുരസ്കാരം മുന് ചീഫ് സെക്രട്ടറി ഡോ. ഡി. ബാബുപോള് ബിജെപി സംസ്ഥാന പ്രസിഡന്റ് കുമ്മനം രാജശേഖരന് സമ്മാനിച്ചു. പൊതുജന സേവനം ഇന്ന് മാഫിയകളുടെ കൈയിലാണെന്ന് പുരസ്കാരം ഏറ്റുവാങ്ങിക്കൊണ്ട് കുമ്മനം പറഞ്ഞു. ഇതിന്റെ ദുരിതം അനുഭവിക്കുന്നത് താഴെ തട്ടിലുള്ളവരാണ്. എന്നാല് താഴെ തട്ടിലുള്ളവര്ക്ക് നീതി ലഭിക്കുന്നില്ല. മഹാദേവന് കാളകൂടവിഷം ഭുജിച്ചത് സാമൂഹ്യ പ്രതിബദ്ധതയ്ക്കുവേണ്ടിയാണ്. ഈ വികാരമാണ് ഋഷീശ്വരന്മാര് നമുക്കു പറഞ്ഞുതന്നത്. ക്ഷേത്രത്തിനുമുന്നില് കണ്ണടച്ചു പ്രാര്ത്ഥിക്കുന്നത് ദര്ശനമാണ്. അത് ആത്മസുഖമാണ്. അത് ആര്ജിക്കാന് ഭക്തര്ക്ക് കഴിയണമെന്നും അദ്ദേഹം പറഞ്ഞു.
ക്ഷേത്രസംരക്ഷക്ഷണ സമിതിയുടെ ആഭിമുഖ്യത്തില് കവടിയാര് മഹാദേവക്ഷേത്രം ട്രസ്റ്റ് ഏര്പ്പെടുത്തിയ ധര്മ്മരക്ഷാ പുരസ്കാരം മുന് ചീഫ് സെക്രട്ടറി ഡോ. ഡി. ബാബുപോള് ബിജെപി സംസ്ഥാന പ്രസിഡന്റ് കുമ്മനം രാജശേഖരന് സമ്മാനിക്കുന്നു
നാം അവനവന്റെ മതത്തെ ബഹുമാനിക്കുകയും മറ്റുമതങ്ങളെ ആദരിക്കകയും ചെയ്യണമെന്ന് ഡോ. ഡി. ബാബുപോള് പറഞ്ഞു. ഇന്ന് അസഹിഷ്ണുത പറയുന്നവരുണ്ട്. അസഹിഷ്ണുത ആരുടെയും മുഖമുദ്രയല്ല. ഭാരതീയത സാംസ്കാരിക ഇതിഹാസത്തിന്റെ പരിണാമമാണ്.ഭാരതീയതയെ അംഗീകരിക്കാത്തവരാണ് അസഹിഷ്ണുതയുണ്ടെന്ന് പറയുന്നതെന്നും അദ്ദേഹം പറഞ്ഞു.
ക്ഷേത്ര ട്രസ്റ്റ് ഭാരവാഹി രവീന്ദ്രന് അദ്ധ്യക്ഷത വഹിച്ച ചടങ്ങില് ക്ഷേത്രസംരക്ഷണ സമിതി ജില്ലാ സെക്രട്ടറി ഷാജു, സമിതി ഭാരവാഹിയായ മനോജ്കുമാര്, ആര്എസ്എസ് ജില്ലാ ബൗദ്ധിക് പ്രമുഖ് കെ.വി. രാജേന്ദ്രന് എന്നിവര് സംസാരിച്ചു. 10,001 രൂപയും ശില്പ്പവും പ്രശസ്തിപത്രവും അടങ്ങുന്നതാണ് അവാര്ഡ്.
