ഇരിട്ടി: മദ്യപിച്ചെത്തിയ അയല് വാസികളുടെ അക്രമത്തില് പരിക്കേറ്റ് ആര്ച്ചറി ദേശീയ താരങ്ങളായ വിദ്യാത്ഥികള്ക്കും ഇവരുടെ അമൂമ്മക്കും പരിക്കേറ്റു. കണ്ണൂര് ആര്ച്ചറി അസ്സോസ്സിയേഷന് ജില്ലാ ജോയിന്റ് സിക്രട്ടറി കാക്കയങ്ങാട് ഏടത്തൊട്ടി കുഞ്ഞിന് വീട്ടില് കെ.വി.രാജഗോപാലന്റെ മക്കളായ സിദ്ധാര്ഥ് രാജഗോപാല് (19), ഋഷിക രാജഗോപാല് (12), ഇവരുടെ അമ്മൂമ്മ ദേവു (60) എന്നിവര്ക്കാണ് പരിക്കേറ്റത്. ഇവരെ ഇരിട്ടി താലൂക്ക് ആശുപത്രിയില് പ്രവേശിപ്പിച്ചു. വെള്ളിയാഴ്ച രാത്രി 8.—30തോടെ ആയിരുന്നു അക്രമം. അടുത്തമാസം തിരുവനന്തപുരത്തു വെച്ച് നടക്കുന്ന ആര്ച്ചറി െ്രെപസ്മണി മത്സരത്തിനുള്ള തയ്യാറെടുപ്പിനായി തങ്ങളുടെ വീട്ടുമുറ്റത്ത് പരിശീലനം നടത്തുന്നതിനിടെ ആയിരുന്നു അക്രമം.
രാജഗോപാലിന്റെ തൊട്ടടുത്ത ഗോവിന്ദന്റെ വീട്ടില് അടുത്തകാലത്ത് താമസമാക്കിയ റോസി എന്ന സ്ത്രീയും അതിനടുത്ത വീട്ടില് താമസിക്കുന്ന കള്ളുഷോപ്പ് തൊഴിലാളിയായ ശ്രീധരന്, ഇയാളുടെ ഭാര്യ വത്സല, ശ്രീധരന്റെ ജ്യേഷ്ഠന് ലക്ഷ്മണന് എന്നിവര് ചേര്ന്നാണ് അക്രമം നടത്തിയതെന്ന് രാജഗോപാല് ഇരിട്ടി പോലീസില് നല്കിയ പരാതിയില് പറയുന്നു. മരക്കമ്പുകളും വടിയും മറ്റും ഉപയോഗിച്ചുള്ള അക്രമത്തില് ആണ് ഇവര്ക്ക് പരിക്കേറ്റത്. ഇവരെ ആക്രമിക്കുന്നത് കണ്ട് തടയാനെത്തിയ അമ്മൂമ്മക്കും മുഖത്ത് അടിയേറ്റ് പരിക്കേറ്റു. കുട്ടികള്ക്ക് കൈക്കും കാലിലും മറ്റുമാണ് പരിക്കേറ്റിട്ടുള്ളത്. ലക്ഷങ്ങള് വിലമതിക്കുന്ന വിദേശ നിര്മ്മിതമായ കോബൗണ്ട്ബോ, ഇന്ത്യന് റൗണ്ട്, ആരോസ് , ഉത്തരേന്ത്യയില് നിന്നും കൊണ്ടുവന്ന പരിശീലനത്തിനായി ഉപയോഗിക്കുന്ന ടാര്ഗറ്റ് എന്നിവ വലിച്ചെറിഞ്ഞും ചവിട്ടി തെറിപ്പിച്ചും നശിപ്പിച്ചു. ഋഷിക ദേശീയ ചാമ്പ്യന് ഷിപ്പില് നാലാം സ്ഥാനം കരസ്ഥമാക്കിയിരുന്നു. ഇത് നേടാനായി ഉപയോഗിച്ച വില്ലും നശിപ്പിക്കപ്പെട്ട കൂട്ടത്തില് വരും.
രണ്ട് വര്ഷത്തില് ഏറെയായി രാജഗോപാലും കുടുംബവും ഇവിടെ താമസം തുടങ്ങിയിട്ട്. വീട്ടു മുറ്റത്ത് തന്നെയാണ് രാജഗോപാലിന്റെ മക്കളും ഇവര്ക്കൊപ്പം മറ്റു ചില വിദ്യാര്ഥികളും ആര്ച്ചറിയില് പരിശീലനം നേടിയിരുന്നത്. ഇതുവരെയായി യാതൊരു വിധ പ്രശ്നമോ പരാതികളോ നാട്ടുകാര്ക്കിടയില് ഉണ്ടായിരുന്നില്ല. എന്നാല് കഴിഞ്ഞ പഞ്ചായത്ത് തിരഞ്ഞെടുപ്പില് രാജഗോപാലിന്റെ ‘ഭാര്യ ബിജെപി സ്ഥാനാര്ഥിയായി ഈ വാര്ഡില് മത്സരത്തിനു നിന്നത് മുതലാണ് പ്രശ്നങ്ങള് ഉടലെടുക്കുന്നത്. നേരത്തെ പറഞ്ഞ അയല് വാസികള് ഇവരെ നിരന്തരം ചീത്ത വിളിക്കുകയും ചില അക്രമ പ്രവര്ത്തനങ്ങള് നടത്തിയെങ്കിലും ഇതൊന്നും ഇവര് ഗൗനിച്ചിരുന്നില്ല. കഴിഞ്ഞ ദിവസം വീടിന് സമീപം കൂട്ടിയിട്ട ചകരിക്ക് തീയിടാനുള്ള ശ്രമവും നടന്നു എന്ന്! രാജഗോപാല് പോലീസില് നല്കിയ പരാതിയില് പറയുന്നുണ്ട്. ഇരിട്ടി പോലീസ് കേസ്സെടുത്തു അന്വേഷണം നടത്തി വരുന്നു.
