തിരുവനന്തപുരം: വി ഡി സതീശന് സര്ക്കാര് സംഘപരിവാറിന്റെ വിനീതദാസന്മാരാണെന്ന് തെളിയിച്ചിരിക്കുകയാണെന്ന് സിപിഎം സംസ്ഥാന സെക്രട്ടറി എം വി ഗോവിന്ദന്. ബിജെപിക്ക് സംസ്ഥാനത്ത് മൂന്ന് എംഎല്എമാരാണുള്ളതെങ്കിലും, യുഡിഎഫ് സര്ക്കാര് അവരുടെ അജണ്ടയാണ് നടപ്പാക്കുന്നത്. ആര്എസ്എസിനോടുള്ള വിധേയത്വം പ്രഖ്യാപിക്കാന് ഓരോ മന്ത്രിമാരും പരസ്പരം മത്സരിക്കുകയാണ്. എംജി സര്വകലാശാലയില് 19 സംഘപരിവാറുകാരെ സെനറ്റിലേക്ക് നാമനിര്ദേശം ചെയ്തപ്പോള് മുഖ്യമന്ത്രി ഒരക്ഷരം പോലും മിണ്ടിയില്ല. കേന്ദ്രവുമായി ഏറ്റുമുട്ടലിനില്ലെന്ന് ഉന്നതവിദ്യാഭ്യാസ മന്ത്രി റോജി എം ജോണും, പിഎം ശ്രീ പദ്ധതിയുമായി മുന്നോട്ടുപോകുമെന്ന് വിദ്യാഭ്യാസ മന്ത്രി എം ഷംസുദ്ദീനും പ്രഖ്യാപിച്ചതും ഇതിന്റെ തെളിവാണെന്ന് ഗോവിന്ദന് ചൂണ്ടിക്കാട്ടി.
മുന്പ് എല്ഡിഎഫ് സര്ക്കാര് ലൈഫ് പദ്ധതിയുടെ ഭാഗമായി അഞ്ചുലക്ഷത്തിലധികം വീടുകള് നിര്മ്മിച്ചപ്പോഴും ഒരു വീടുകളില് പോലും മോദിയുടെ ചിത്രം വെക്കാന് തയ്യാറായിരുന്നില്ല. ആര്എസ്എസിനെ പ്രീതിപ്പെടുത്താനാണ് ഷാജി പിഎംഎവൈ പദ്ധതി പ്രകാരം നിര്മ്മിക്കുന്ന വീടുകളില് പ്രധാനമന്ത്രി നരേന്ദ്രമോദിയുടെ ചിത്രവും ലോഗോയും വെക്കുന്നതിനെ ന്യായീകരിക്കുന്നതെന്നും ഗോവിന്ദന് പറഞ്ഞു.
വി ഡി സതീശന് സര്ക്കാര് സംഘപരിവാറിന്റെ വിനീതദാസന്മാരാണെന്ന് തെളിയിച്ചുവെന്ന് എം വി ഗോവിന്ദന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.