ആലക്കോട്: സംസ്ഥാന സര്ക്കാരിന്റെ അധ്യാപക പാക്കേജ് അപാകതകള് പരിഹരിച്ച് നടപ്പാക്കുമെന്ന് മന്ത്രി കെ.സി.ജോസഫ് പറഞ്ഞു. ഒരുകാലത്ത് ഭൗതിക സാഹചര്യങ്ങളുടെ അപര്യാപ്തത കൊണ്ടും വേണ്ടത്ര അധ്യാപകരില്ലാതെയും ശോചനീയാവസ്ഥയിലായിരുന്ന പൊതുവിദ്യാലയങ്ങള് ഇന്ന് അടിസ്ഥാന സൗകര്യങ്ങളുടെ കാര്യത്തില് മികച്ച നിലവാരത്തിലേക്ക് ഉയര്ന്നിട്ടുണ്ട്. കൂടുതല് അധ്യാപക നിയമനങ്ങള് നടത്താനായതും നേട്ടമാണെന്ന് മന്ത്രി പറഞ്ഞു.
ആലക്കോട് കണിയന്ചാല് ഗവ.ഹയര് സെക്കന്ററി സ്കൂളിന് നബാര്ഡിന്റെ സഹായത്തോടെ നിര്മിച്ച ഹയര് സെക്കന്ററി കോംപ്ലക്സ്, എംഎല്എ ഫണ്ട് ഉപയോഗിച്ച് വാങ്ങിയ കമ്പ്യൂട്ടറുകള്, രയരോം ഗവ. ഹൈസ്കൂളിന് എംഎല്എ ഫണ്ട് ഉപയോഗിച്ച് നിര്മിച്ച പുതിയ കെട്ടിടം, മൂലോത്തുംകുന്ന് അങ്കണവാടി കെട്ടിടം, വായാട്ടുപറമ്പ് സെന്റ് ജോസഫ്സ് ഹയര് സെക്കന്ററി സ്കൂളിലെ എസ്പിസി കേഡറ്റുകളുടെ പാസ്സിങ് ഔട്ട് പരേഡ് എന്നിവയുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു മന്ത്രി.
സംസ്ഥാനത്ത് നബാര്ഡിന്റെ സഹായത്തോടെ സ്കൂള് കെട്ടിടങ്ങള് ലഭിച്ച ഏക ജില്ല കണ്ണൂരാണെന്നും അതില് ഏറ്റവും കൂടുതല് ലഭിച്ചത് ഇരിക്കൂര് മണ്ഡലത്തിലാണെന്നും മന്ത്രി പറഞ്ഞു. നബാര്ഡ് സഹായത്തോടെ ജില്ലാ പഞ്ചായത്ത് മുഖേന 2.93 കോടി രൂപ ചെലവിലാണ് കണിയന്ചാല് സ്കൂളിനായി കെട്ടിടം നിര്മിച്ചത്. മന്ത്രി കെ.സി.ജോസഫിന്റെ ഇരിക്കൂര് മണ്ഡലത്തിലെ ആസ്തി വികസനഫണ്ടില് നിന്ന് 1.12 ലക്ഷം രൂപ വിനിയോഗിച്ച് സ്കൂളിലേക്കായി വാങ്ങിയ കമ്പ്യൂട്ടറുകളുടെ സ്വിച്ച് ഓണ് കര്മവും മന്ത്രി നിര്വഹിച്ചു. ചടങ്ങില് ജില്ലാ പഞ്ചായത്ത് വൈസ് പ്രസിഡന്റ് പി.പി.ദിവ്യ അധ്യക്ഷത വഹിച്ചു. ജില്ലാ പഞ്ചായത്ത് അംഗം ജോയ് കൊന്നക്കല്, തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് ടി.ലത, നടുവില് ഗ്രാമപഞ്ചായത്ത് പ്രസിഡന്റ് ബിന്ദു ബാലന്, ബ്ലോക്ക് പഞ്ചായത്ത് അംഗം വി.എ.റഹീം, ജില്ലാ പഞ്ചായത്ത് സെക്രട്ടറി എം.കെ.ശ്രീജിത്, ഷൈനി എബ്രഹാം വട്ടക്കാട്ട്, എന്.യു.അബ്ദുള്ള, കെ.വി.രാജന് മാസ്റ്റര്, കെ.ജി.സതീറാണി, കെ.സബീര് എന്നിവര് സംസാരിച്ചു. സ്കൂള് പ്രിന്സിപ്പല് വി.എ.അഗസ്റ്റിന് സ്വാഗതവും ഹെഡ്മാസ്റ്റര് പുരുഷോത്തമന് നന്ദിയും പറഞ്ഞു.
2013-14 വര്ഷം ആര്എംഎസ്എ പദ്ധതിയില് ഹൈസ്കൂളായി ഉയര്ത്തപ്പെട്ട രയരോം സ്കൂളിനുവേണ്ടി മന്ത്രി കെ.സി.ജോസഫിന്റെ എംഎല്എ ഫണ്ടില് നിന്ന് 50 ലക്ഷം രൂപ ചെലവിലാണ് പുതിയ കെട്ടിടം നിര്മിച്ചത്. ചടങ്ങില് ആലക്കോട് ഗ്രാമപഞ്ചായത്ത് പ്രസിഡന്റ് മോളി മാനുവല് അധ്യക്ഷത വഹിച്ചു. ജില്ലാ പഞ്ചായത്ത് അംഗം സുമിത്ര ഭാസ്കരന്, ത്രിതല പഞ്ചായത്ത് ജനപ്രതിനിധികളായ ജെസ്സി ഷിജി, കവിത ഗോവിന്ദന്, ഗിരിജ മണി, പി.സി. ആയിഷ, ഷിബി സനീഷ്, എം.കെ.ബിന്ദു, ഡിഇഒ കെ.പി.വാസു, സി.പി.മുഹമ്മദ്, കെ.എസ്. മുരളി തുടങ്ങിയവര് സംസാരിച്ചു. ജോണ്സണ് അമ്പാട്ട് സ്വാഗതവും സോളി മാത്യു നന്ദിയും പറഞ്ഞു.
മൂലോത്തുംകുന്ന് അങ്കണവാടിയുടെ പുതിയ കെട്ടിടത്തിന്റെ ഉദ്ഘാടനച്ചടങ്ങില് ആലക്കോട് ഗ്രാമപഞ്ചായത്ത് പ്രസിഡന്റ് മോളി മാനുവല് അധ്യക്ഷത വഹിച്ചു. വൈസ് പ്രസിഡന്റ് സി.മോഹനന്, ജില്ലാ പഞ്ചായത്ത് അംഗം സുമിത്ര ഭാസ്കരന്, ജെസ്സി ഷിജി, കവിത ഗോവിന്ദന്, ഗിരിജ മണി, പി.സി.ആയിഷ, എം.കെ.ബിന്ദു, വത്സമ്മ വാണിശ്ശേരി, ഷീജ, എം.നാരായണി തുടങ്ങിയവര് സംസാരിച്ചു. അനില രാജേന്ദ്രന് സ്വാഗതവും തോമസ് കല്ലറയ്ക്കല് നന്ദിയും പറഞ്ഞു.
