ആലപ്പുഴ: അനധികൃത കൈയേറ്റങ്ങള് ഒഴിപ്പിക്കല് നടപടിക്ക് തടസമുണ്ടാകരുതെന്ന് അമ്പലപ്പുഴ താലൂക്ക് വികസന സഭ. ആര്ഒ പ്ലാന്റുകളില്നിന്ന് വിതരണം ചെയ്യുന്ന വെള്ളത്തിനു ഡൊമസ്റ്റിക് താരിഫ് നല്കുന്നതിനുള്ള നടപടികള് സ്വീകരിക്കണമെന്ന് വാട്ടര് അതോറിറ്റി അധികാരികളോട് ആവശ്യപ്പെട്ടു. ആര്യാട് ബ്ലോക്ക് പഞ്ചായത്ത് പ്രസിഡന്റ് ഷീന സനല്കുമാറിന്റെ അധ്യക്ഷതയിലാണ് യോഗം ചേര്ന്നത്.
യഥാസമയം വാട്ടര് അതോറിറ്റിയുടെ സേവനം ലഭ്യമാക്കണമെന്നും സഭ ആവശ്യപ്പെട്ടു. ആര്യാട് ബ്ലോക്ക് ഓഫീസ് ജംഗ്ഷനില് കെഎസ്ആര്ടിസി ഫാസ്റ്റിന് ബസ് സ്റ്റോപ്പ് അനുവദിക്കുന്നതിന് നടപടി സ്വീകരിക്കാന് യോഗം തീരുമാനിച്ചു. അനധികൃത കൈയേറ്റങ്ങള് ഒഴിപ്പിക്കല് നടപടിക്ക് തടസം വരാതെ മുന്നോട്ടുപോകാന് സഭയില് തീരുമാനമായി.
അമ്പലപ്പുഴ ക്ഷേത്രത്തിന്റെ വടക്കുവശം, ക്ഷേത്രത്തിന്റെ പടിഞ്ഞാറെനട, കച്ചേരിമുക്ക് ജംഗ്ഷന്, നാഷണല് ഹൈവേയുടെ വശങ്ങള് എന്നീ ഭാഗങ്ങളിലെ റോഡുകളിലെ കുഴികള് നികത്തുന്നതിന് നടപടിയെടുക്കാന് അധികൃതരോട് നിര്ദ്ദേശിച്ചു.
അമ്പലപ്പുഴ സൗത്ത് പഞ്ചായത്ത് പ്രസിഡന്റ് ജി. വേണുലാല്, പുന്നപ്ര നോര്ത്ത് പഞ്ചായത്ത് പ്രസിഡന്റ് സുവര്ണ പ്രതാപന്, മണ്ണഞ്ചേരി പഞ്ചായത്ത് പ്രസിഡന്റ് തങ്കമണി ഗോപിനാഥ്, ആര്യാട് പഞ്ചായത്ത് പ്രസിഡന്റ് കവിതാ ഹരിദാസ്, പുന്നപ്ര തെക്കുപഞ്ചായത്ത് പ്രസിഡന്റ് എം. ഷീജ, പുറക്കാട് ഗ്രാമപഞ്ചായത്ത് പ്രസിഡന്റ് റഹ്മത്ത് തുടങ്ങി വിവിധ വകുപ്പുകളുടെ പ്രതിനിധികളും പങ്കെടുത്തു.
തഹസില്ദാര് പി. സുനില്കുമാര് സ്വാഗതം പറഞ്ഞു.
