കണ്ണൂര്: കണ്ണൂര് പ്രസ്ക്ലബും ദേശാഭിമാനി എംപ്ലോയിസ് വെല്ഫയര് അസോസിയേഷനും സംയുക്തമായി നല്കുന്ന രാജീവന് കാവുമ്പായി സ്മാരക മാധ്യമ പുരസ്കാരം മാതൃഭൂമി ന്യൂസ് കൊച്ചി ബ്യൂറോയിലെ സീനിയര് സ്പെഷല് കറസ്പോണ്ടന്റ് ബിജുപങ്കജിനും ക്യാമറമാന് ബിനു തോമസും അര്ഹരായി. വാടക ഗര്ഭധാരണ കച്ചവടത്തെകുറിച്ച തയ്യാറാക്കിയ അന്വേഷണ റിപ്പോര്ട്ട് മാതൃത്വം വില്പ്പനയ്ക്ക് എന്ന പരമ്പരയ്ക്കാണ് പുരസ്കാരം. പതിനായിരം രൂപയും പ്രശസ്തി പത്രവും ഫലകവും അടങ്ങുന്ന പുരസ്കാരം 27 ന് രാവിലെ 11 ന് കണ്ണൂര് പ്രസ്സ് ക്ലബില് നടക്കുന്ന ചടങ്ങില് കൈരളി ടിവി മാനേജിംഗ് ഡയറക്ടറും എഡിറ്ററുമായ ജോണ്ബ്രിട്ടാസ് സമ്മാനിക്കും. മുതിര്ന്ന മാധ്യമപ്രവര്ത്തകനായ ടി.സുരേഷ് ബാബു, പത്രപ്രവര്ത്തക യൂണിയന് സംസ്ഥാന ജനറല് സെക്രട്ടറി സി നാരായണന്, മാധ്യമ പ്രവര്ത്തകനും ചലചിത്ര നിരൂപകനുമായ യു.പി.സന്തോഷ് എന്നിവരടങ്ങിയ കമ്മറ്റിയാണ് പുരസ്കാരം നിര്ണയിച്ചത്. ഇതാദ്യമായാണ് രാജീവന് കാവുമ്പായി പുരസ്കാരം ദൃശ്യമാധ്യമ മേഖലയില് നല്കുന്നത്. കെ.ടി.ശശി, എന്.പി.സി.രഞ്ചിത്ത്, പി.അജീന്ദ്രന്, യു.പി. സന്തോഷ് എന്നിവര് പത്രസമ്മേളനത്തില് പങ്കെടുത്തു.
രാജീവന് കാവുമ്പായി സ്മാരക മാധ്യമ പുരസ്കാര സമര്പ്പണം 27 ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.