പാലാ: റബ്ബര്കൃഷി അനുബന്ധ മേഖലയിലെ വിവിധ പ്രശ്നങ്ങളെ സംബന്ധിച്ച് ചര്ച്ച ചെയ്യുന്നതിന് പാലാ റീജിയണല് റബ്ബര് ഉല്പാദക സംഘങ്ങളുടെ കോ-ഓര്ഡിനേഷന് കമ്മറ്റിയുടെ നേതൃത്വത്തില് റബ്ബര് പഠന കോണ് ഗ്രസും അവലോകന യോഗ വും പാലായില് നടത്തും. മുഴുവന് റബ്ബര് കര്ഷകരെയും 150 രൂപ ഉറപ്പ് വരുത്തിക്കൊണ്ടുള്ള റബ്ബര് ഉല്പാദന ഉത്തേജക പദ്ധതിയില് പങ്കാളികള് ആക്കുക എന്നതാണ് മുഖ്യലക്ഷ്യമെന്ന് സംഘാടക സമിതി പ്രസിഡന്റ് വി.യു. ജോസഫ്, സെക്രട്ടറി ബെന്നി ചോക്കാട്ട്, അഡ്വ. ഗോപാലകൃഷ്ണന് നായര് എന്നിവര് അറിയിച്ചു. വിലസ്ഥിരതാ പദ്ധതി നടപടിക്രമങ്ങള് ലളിതമാക്കുന്നതിനുള്ള നിര്ദ്ദേശങ്ങളും യോഗം ചര്ച്ച ചെയ്യും.
13ന് രാവിലെ 9.30ന് പാലാ ഒലിവ് ഇന്റര്നാഷണല് ഹോട്ടല് ഓഡിറ്റോറിയത്തിലാണ് പഠനകോണ്ഗ്രസ്. റബ്ബര് ബോര്ഡ് മുന് ചെയര്മാന് പി.സി. സിറിയക് ഐഎഎസ്, റബ്ബര് ബോര്ഡ് ഡപ്യൂട്ടി ഡയറക്ടര് ജോം ജേക്കബ്, റബ്ബര് ഡീലേഴ്സ് അസ്സോസിയേഷന് മുന് പ്രസിഡന്റ് പയസ് സ്കറിയാ പൊട്ടംകുളം, എന്.എഫ്.ആര്.പി.എസ്. ജനറല് സെക്രട്ടറി ബാബു ജോസഫ്, ഇന്ഫാം ജില്ലാ പ്രസിഡന്റ് മാത്യു മാമ്പറമ്പില്, ജോസ്സി കൊച്ചുകുടി എന്നിവര് പ്രബന്ധങ്ങള് അവതരിപ്പിക്കും. മുന്ധനകാര്യമന്ത്രി കെ.എം. മാണി, ജോസ് കെ. മാണി എം.പി. എന്നിവര് യോഗത്തില് പങ്കെടുക്കും. കാര്ഷിക വിദഗ്ധനായ നെമി ജോര്ജ്ജ് മോഡറേറ്ററായിരിക്കും.
