കറുകച്ചാല് : കറുകച്ചാല് ടൗണില് നിര്മ്മിച്ച നടപ്പാത നാട്ടുകാര്ക്കൊരു പ്രയോജനവുമില്ലാതാവുന്നു. ഗുരുമന്ദിരത്തിന് എതിര്വശമുള്ള നടപ്പാതയിലാണ് തിരക്കാണ്. വ്യാപാരികളുടെ വില്പന സാമഗ്രികളും മറ്റും നടപ്പാതയിലാണ് വച്ചിരിക്കുന്നത്. മദ്യപന്മാര് കൂട്ടംകൂട്ടമായി നിന്ന് നടപ്പാത കൈയ്യടക്കി പോര് വിളികളും നടത്തുന്നു.
ഇതുകാരണം സ്ത്രീകള്ക്കും കുട്ടികള്ക്കും കടന്നുപോകാന് പറ്റാത്ത നിലയിലാണ്. പച്ചക്കറി കടയിലെ മാലിന്യവും പച്ചക്കറികളും നടപ്പാതയിലാണ് വച്ചിരിക്കുന്നത്. കൂടാതെ നടപ്പാതയോടു ചെര്ത്തു വച്ചിരിക്കുന്ന ഇരുചക്രവാഹനങ്ങളുടെ നീണ്ട നിരയുമുണ്ട്. ബസ്സ്റ്റാന്ഡിനകത്ത് സ്വകാര്യ വാഹനങ്ങളും പാര്ക്ക് ചെയ്യുന്നുണ്ട്.
പഞ്ചായത്തോഫീസിനടുത്ത് ബീവറേജസ് മദ്യശാലയ്ക്കു മുന്നിലും എതിര്വശത്തും ഏതു സമയത്തും വാഹനങ്ങളുടെ അനധികൃത പാര്ക്കിംഗ്. മറ്റ് വാഹനങ്ങള്ക്കും കാല്നടക്കാര്ക്കും ഏറെ ബുദ്ധിമൂട്ടാണുണ്ടാക്കുന്നത്. ഇതിനെല്ലാം അധികൃതരുടെ ഭാഗത്തു നിന്നും നടപടി ഉണ്ടാകണമെന്ന് നാട്ടുകാര് പറയുന്നു.
