ക്രോയ്ടോന്:ഹിന്ദു ഐക്യവേദിയുടെ നേതൃത്വത്തില് ലണ്ടനില് വിവേകാനന്ദ ജയന്തി ആഘോഷിച്ചു. ക്രോയ്ടനിലെ വെസ്റ്റ് ത്രോണ്ണ്ടന് കമ്മ്യൂണിറ്റി സെന്റെറില് നടന്ന ആഘോഷങ്ങളില് യു.കെ യുടെ വിവിധ ഭാഗങ്ങളില് നിന്നെത്തിയ ജനങ്ങള് പങ്കെടുത്തു.
ഹിന്ദു ഐക്യവേദിയുടെ ഭജനയോടെ വൈകീട്ട് 5:30 ന് പരിപാടികള് ആരംഭിച്ചു. പിന്നീട് ബാലവേദി കുട്ടികള് അവതരിപ്പിച്ച വന്ദേ വിവേകാനന്ദം പരിപാടിയും നടന്നു.
ബുദ്ധനും ആദിശങ്കരനും ശേഷം ഭാരതം കണ്ട അത്യത്ഭുത ആധ്യാത്മിക തേജസ്സാണ് സ്വാമി വിവേകാനന്ദനെന്ന ് പ്രഭാഷണം നടത്തിയ ശ്രീ ജെ ലഖാനി അഭിപ്രായപെട്ടു. ആധുനിക ലോകത്തിന്റെ ആത്മീയത എങ്ങനെ വേണം എന്ന് വിശദീകരിച്ചതാണ് സ്വാമിജിയുടെ ഏറ്റവും വലിയ മേന്മ എന്നും, ഈശ്വരനെ സാക്ഷാത്കാരത്തിനുള്ള പരിശ്രമം എല്ലാവിധത്തിലും നാം അനുവര്ത്തിക്കണം എന്നും അദ്ദേഹം പറഞ്ഞു.
വിശ്വസിക്കുക എന്നുള്ളത്തിനപ്പുറം കണ്ടെത്തുക എന്നതാണ് സ്വാമിജി മുന്നോട്ടുവെച്ച അദ്ധ്യാത്മികത എന്നും ജെ ലഖാനി പറഞ്ഞു. തുടര്ന്ന് സംശയനിവാരണി വിജ്ഞാന പ്രദമായ നിരവധി കാര്യങ്ങള് ചര്ച്ച ചെയ്തു.പരിപാടിയില് കൗണസിലര് ടോം ആദിത്യ ജെ ലഖാനിയെ പൊന്നാട അണിയിച്ചു. ഉപഹാരം ഡോ ശിവകുമാര് ജെ ലഖാനിക്ക് നല്ക്കി. വിവേകാനന്ദ സന്ദേശങ്ങള് ഉള്കൊണ്ടുകൊണ്ട് പ്രവര്ത്തിച്ച നിരവധി മഹാന്മാരുടെ പരിശ്രമം ആണ് ഭാരതത്തിന്റെ സ്വതന്ത്രം എന്ന് ടോം ആദിത്യ അഭിപ്രായപെട്ടു.
സുപ്രസിദ്ധ ഗായകന് രാജേഷ് രാമന്റെ സംഗീത പരിപാടി നടന്നു. സ്വാമി വിവേകാനന്ദന്റെ ജീവിതത്തെ ആസ്പദമാക്കിയുള്ള ചിത്ര പ്രദര്ശനവും ഹാളില് ഒരുക്കിയിരുന്നു.. പരിപാടികള് എല്ലാം മികച്ച രീതിയില് അവതരിപ്പിച്ച ഡയാന അനില്കുമാറിനെയും ജയലക്ഷ്മിയെയും അനുമോദിച്ചു. . പരിപാടികള്ക്ക് ശേഷം നടന്ന പൂജകള്ക്ക് ശ്രീ മുരളി അയര് നേതൃത്വം നല്കി.
