ആലപ്പുഴ: ഗൗഡസാരസ്വത ബ്രാഹ്മണരുടെ ആത്മീയ ഗുരുവും, കാശിമഠാധിപതിയുമായ സുധീന്ദ്ര തീര്ത്ഥ സ്വാമികളുടെ മഹാസമാധിയുമായി ബന്ധപ്പെട്ട് ഹരിദ്വാറില് നടന്ന ‘ആരാധന മഹോത്സവം’ ആലപ്പുഴ പഴയ തിരുമല ക്ഷേത്രത്തിലും കാശിമഠം ഹാളിലുമായി നടത്തി. ഹരിദ്വാറില് സമാധി സ്ഥലത്ത് നടക്കുന്ന ചടങ്ങുകളോടൊപ്പമാണ് ഇവിടേയും പരിപാടികള് സംഘടിപ്പിച്ചത്.
കാശിമഠം ഹാളില് ആലപ്പുഴയിലെ പൗരപ്രമുഖര് സ്വാമിജിയുടെ ചിത്രത്തില് പുഷ്പാര്ച്ചന നടത്തി. ബിജെപി ജില്ല പ്രസിഡന്റ് കെ. സോമന്, ബിജെപി മേഖല പ്രസിഡന്റ് വെള്ളിയാകുളം പരമേശ്വരന്, കെ.സി. വേണുഗോപാല് എംപി, മുനിസിപ്പല് ചെയര്മാന് തോമസ് ജോസഫ്, ആള് കേരള ബ്രാഹ്മണ ഫെഡറേഷന് സെക്രട്ടറി സി.എ. രാജന് ഉണ്ണി, ആലപ്പുഴ കേരള ബ്രാഹ്മണ സഭ ജില്ല പ്രസിഡന്റ് പി. വെങ്കിട്ടരാമന്, വാര്ഡ് കൗണ്സിലര്മാരായ ആര്. ഹരി, റാണി രാമകൃഷ്ണന്, പാര്വ്വതിതി സംഗീത്, ആര്എസ്എസ് താലൂക്ക് സംഘചാലക് സഹദേവന്, യോഗക്ഷേമസഭ പ്രതിനിധി ഡോ. ഇ. കൃഷ്ണന് നമ്പൂതിരി, ഷാജി ആന്റണി, റോട്ടറി ക്ലബ് പ്രസിഡന്റ്, എന്എസ്എസ്, എസ്എന്ഡിപി, നേതാക്കള് തുടങ്ങി ഒട്ടേറെ പ്രമുഖര് പുഷ്പാര്ച്ചനയില് പങ്കെടുത്തു. ക്ഷേത്രത്തില് രാവിലെ മുതല് പ്രത്യേക പൂജകള് നടന്നു. ശതകലശാഭിഷേകം, പവമാന അഭിഷേകം, വാഹനപൂജ, സമാരാധന, ഗുണഗാനം, വിശേഷാല് ഭജനകള് എന്നിവയില് ധാരാളം ഭക്തര് പങ്കെടുത്തു.
21-ാമത്തെ കാശിമഠാധിപതിയായി സംയമീന്ദ്ര തീര്ത്ഥ സ്വാമി അവരോധിക്കപ്പെട്ടതില് ഭക്തജനങ്ങള് ആഹ്ലാദ പ്രകടനം നടത്തി. ദേവസ്വം പ്രസിഡന്റ് വി. ഗിരീഷ് പ്രഭു, അംഗങ്ങളായ ജി.ജെ. മല്ലന്, ആര്. സുധാകര മല്ല്യ, എം.എന്.വി. പൈ, സുരേഷ് മല്ലന് എന്നിവര് ചടങ്ങുകള്ക്ക് നേതൃത്വം നല്കി. പഴയ തിരുമല ദേവസ്വം, ആലപ്പുഴ കാശിമഠ് വ്യവസ്ഥാപക സമിതി, ജിഎസ്ബി ക്ഷേമസഭ, ജിഎസ്ബി മഹാസഭ എന്നിവരുടെ ആഭിമുഖ്യത്തിലാണ് പരിപാടികള് നടന്നത്.
