തുറവൂര്: റെയില്വെ ഗേറ്റിനള്ളിലെ റോഡ് ടാര് ചെയ്യാത്തതില് പ്രതിഷേധം. ഇത് അപകടങ്ങള്ക്ക് വഴിതെളിക്കുന്നതായി യാത്ര ക്കാരുടെ ആക്ഷേപം.
തുറവൂര്-കുമ്പളങ്ങി റോഡില് സ്റ്റേഷനു തെക്കു ഭാഗത്തെ ലെവല്ക്രോസിലാണ് റോഡ് ടാര് ചെയ്യാത്തതു മൂലം ഇരുചക്ര വാഹനങ്ങള് അപകടങ്ങളില് പ്പെടുന്നത്. എറണാകുളം-ആലപ്പുഴ തീരദേശ റെയില് പാതയിലെ മറ്റെല്ലാ ലെവല് ക്രോസുകളിലും സ്ലാബുകള്ക്ക് മുകളില് ടാറിങ് നടത്തി ഗതാഗത യോഗ്യമാക്കിയിട്ടുണ്ട്.എന്നാല് ഇരുചക്ര വാഹനങ്ങളടക്കം നൂറുകണക്കിന് വാഹനങ്ങള് നിത്യേന കടന്നു പോകുന്ന സ്റ്റേഷനു തെക്കു ഭാഗത്തെ ലെവല് ക്രോസിലെ റോഡു മാത്രമാണ് ടാര് ചെയ്യത്തത്.
ഇതിനു പുറമെ പാളത്തിനരികിലെ മെറ്റല് ഇടിഞ്ഞുപോകാതിരിക്കാന് ഇരു വശങ്ങളിലും സ്ഥാപിച്ചിട്ടുള്ള പഴയ ഇരുമ്പു പാളങ്ങളും ഇരുചക്ര വാഹനയാത്ര ദുരിത മാക്കുകയാണ്.
ഗേറ്റുകളുടെ അകത്തുള്ള റോഡ് ടാറിഗ് നടത്തി അപകട ഭീഷണി ഒഴിവാക്കാന് റെയില്വെ അധികൃതര് തയ്യാറാകണമെന്ന് ആവശ്യമുയരുന്നു.
