തുറവൂര്: വേലയും കൂലിയുമില്ല. പട്ടണക്കാട് കൊക്കൂണ് റീലിംഗ് ഫാക്ടറിയിലെ 25 സ്ത്രീത്തൊഴിലാളികള് നിരാഹാര സമരത്തില്. ഇരുപത്തിമൂന്ന് വര്ഷമായി സ്ഥാപനത്തില് ജോലി ചെയ്യുന്ന സ്ത്രീത്തൊഴിലാളികളാണ് ജോലിസ്ഥിരതയും ന്യായമായ വേതനവും ആവശ്യപ്പെട്ട് നിരാഹാര സമരം നടത്തുന്നത്. 1993ല് ഖാദിബോര്ഡിന് കീഴിലാണ് സ്ഥാപനം തുടങ്ങിയത്. 25 മെക്കാനിക്കുകള്, എഎസ്ഒ, ഏഴ് ഹെല്പ്പര്മാര്, സ്വീപ്പര് എന്നിവരാണ് ഫാക്ടറിയിലുണ്ടായിരുന്നത്. റീലിംഗ് തൊഴിലാളികളും ഓപ്പറേറ്ററുമൊഴികെ മറ്റുള്ളവരെ 2010 ല് ത്രിതല പഞ്ചായത്തകളിലേക്ക് മാറ്റി പുനര്വിന്യസിച്ചു.
സ്ത്രീത്തൊഴിലാളികളേയും ഒരു ബോയ്ലര് ഓപ്പറേറ്ററേയും എഴുപതു രൂപ ദിവസ വേതനത്തില് ഖാദി ബോര്ഡിലേക്ക് മാറ്റി. അവിടുത്തെ ഉദ്യോഗസ്ഥര്ക്ക് ജോലിയില് വേത്ര സാങ്കേതിക പരിജ്ഞാനമില്ലാത്തതിനാല് യന്ത്രത്തകരാര് പതിവായി.
എന്നാല് ഇത് തീരദേശ മേഖലയിലെ ഉപ്പിന്റെ ആധിക്യം മൂലമാണ് തകരാറുാകുന്നതെന്ന് കാട്ടി കമ്പനി അധികൃതര് റിപ്പോര്ട്ട് നല്കിയിരുന്നു. തുടര്ന്ന് പത്ത് വര്ഷത്തോളം നല്ല രീതിയില് ഉല്പ്പാദനം നടന്നിരുന്ന ഫാക്ടറിയില് രണ്ടാമത് നിലവാരമില്ലാത്ത യന്ത്രങ്ങള് കൊണ്ടു വന്ന് തങ്ങളെ വഞ്ചിക്കുകയാണെന്ന് തെഴിലാളികള് ആരോപിച്ചു. യന്ത്രങ്ങള് കേടായാല് നാന്നാക്കാന് നടിപടിയില്ല. ഫാക്ടറിയുടെ പ്രവര്ത്തനം പൂര്ണ്ണമായി നിര്ത്തിവച്ചതോടെ തൊഴില് നഷ്ടപ്പെട്ട ഇവരുടെ ആകെയുണ്ടായിരുന്ന ജീവിതമാര്ഗവും അടഞ്ഞിരിക്കയാണ്.
