ന്യൂയോര്ക്ക്: ഇന്ത്യന് വിദേശ കാര്യമന്ത്രാലയത്തിന്റെ കീഴില് ഇന്ത്യന് കോണ്സുലേറ്റ് പ്രവാസി ദിവസം അമേരിക്കയില് വിവിധ സംസ്ഥാനങ്ങളില് ആചരിക്കുന്നു.23 ന് വൈകിട്ട് 6:30 ന് മുംബൈ സ്പൈസസ് റെസ്റ്റോറന്റില് നടക്കുന്ന പരിപാടിയില് ന്യൂയോര്ക്കിലെ സാമൂഹിക പ്രവര്ത്തകരായ ഭാരതീയരെ ആദരിക്കും.
വിവിധ സാംസ്കാരിക പരിപാടികളും ചോദ്യോത്തര വേളയും പരിപാടിയില് ഉണ്ടായിരിക്കുമെന്ന് ഓവര്സീസ് ഫ്രണ്ട്സ് ഓഫ് ബിജെപി ന്യൂയോര്ക്ക് കണ്വീനര് ശ്രീ ശിവദാസന് നായര് അറിയിച്ചു.
മുന് വര്ഷങ്ങളില് ഭാരതീയരുമായി കോണ്സുലെറ്റിനു അടുത്ത ബന്ധം ഉണ്ടായിരുന്നില്ല, എന്നാല് മോദി സര്ക്കാര് അധികാരത്തിലേറ്റ ശേഷം ഇന്ത്യന് സമൂഹവുമായി ഏറ്റവും അടുത്ത ബന്ധം പുലര്ത്താന് പ്രത്യേക നിര്ദ്ദേശം കോണ്സുലെറ്റിനു നല്കിയിട്ടുണ്ട്. വെസ്റ്റ്ചെസ്റ്റെര് കൗണ്ടി എക്സെക്യൂട്ടീവ് നടത്തിയ ദീപാവലി ആഘോഷത്തിനു കോണ്സുലേറ്റ് ജനറല് പങ്കെടുത്തിരുന്നു.
