കോഴിക്കോട്: ഭാരതീയതയെ അകറ്റി നിര്ത്തിയവരെല്ലാം ഇന്ന് ഭാരതീയസംസ്കാരം സ്വീകരിക്കുകയാണെന്ന് സിനിമാ സംവിധായകന് അലി അക്ബര് അഭിപ്രായപ്പെട്ടു. കേരള സന്ദര്ശനത്തിന് എത്തിയ സീല് സംഘത്തിന് നല്കിയ സ്വീകരണസമ്മേളനം ഉദ്ഘാടനംചെയ്തു സംസാരിക്കുകയായിരുന്നു അദ്ദേഹം. ഭാരതീയ സംസ്കാരത്തെ അകറ്റിനിര്ത്തിയവരായിരുന്നു സിപിഎമ്മുകാര്. എന്നാലിന്ന് അവര് യോഗപഠനത്തിലേക്ക് കടന്നിരിക്കുന്നു.ഭാരതസംസ്കാരം സ്വീകരിക്കാന് ലോകജനത തന്നെ തയ്യാറായികൊണ്ടിരിക്കുകയാണ്. നമ്മുടെ രാജ്യത്തെ കൂടുതല് അടുത്തറിയാന് ഇത്തരം യാത്രകള് കൊണ്ട് സാധിക്കും രാജ്യം ഒറ്റക്കെട്ടാണെന്ന ചിന്ത വളര്ത്താന് ഇത് കൂടുതല് സാഹയിക്കുമെന്നും അദ്ദേഹം കൂട്ടിച്ചേര്ത്തു.
യാത്രസംഘത്തിന് ഊഷ്മള സ്വീകരണമാണ് ഇന്നലെ നളന്ദ ഓഡിറ്റോറിയത്തില് നല്കിയത്. പരമ്പരാഗത വേഷങ്ങള് അണിഞ്ഞെത്തിയ സംഘത്തെ ചെണ്ടമേളത്തിന്റെ അകമ്പടിയോടെയാണ് ഹാളിലേക്ക് സ്വീകരിച്ചാനയിച്ചത്.
നെറ്റിയില് കുങ്കുമം ചാര്ത്തി യാത്രാസംഘാംഗങ്ങളെ ഹാളിലേക്ക് സ്വീകരിച്ചു. തുടര്ന്നായിരുന്നു സ്വീകരണ സമ്മേളനം. സംവിധാനയകന് അലി അക്ബര് നിലവിളക്ക് കൊടുത്തി സമ്മേളനം ഉദ്ഘാടനം ചെയ്തു.
എബിവിപി സംസ്ഥാന വൈസ് പ്രസിഡന്റ് കെ. പ്രിന്റു ചടങ്ങില് അദ്ധ്യക്ഷത വഹിച്ചു. എബിവിപി ദേശീയസഹസംഘടനാ കാര്യദര്ശി ജി. ലക്ഷ്മണന് മുഖ്യ പ്രഭാഷണം നടത്തി.
ശിക്ഷാ ബച്ചാവോ ആന്തോളന് സമിതി സൗത്ത് സോണ് കോ-ഓര്ഡിനേറ്റര്. എ.വിനോദ്, സീല് കേരള ഇന് ചാര്ജ്ജ് കെ. പ്രമോദ്, സീല് ടൂര്ഇന് ചാര്ജ്ജ് കൃഷ്ണകിന്കാര് , മഹന്ത, എന്നിവര് സംസാരിച്ചു സ്വാഗതസംഘം ജനറല് കണ്വീനര് കെ. പൃഗീഷ് ബാബു സ്വാഗതവും എബിവിപി കോഴിക്കോട് മഹാനഗരം സെക്രട്ടറി അഖില് സുഭാഷ് നന്ദിയും പറഞ്ഞു.സംഘാംഗങ്ങള് യാത്രാനുഭവങ്ങള് പങ്കുവെക്കുകയും വിവിധ കലാപരിപാടികള് അവതരിപ്പിക്കുകയും ചെയ്തു. കേരളീയ കലാരൂപങ്ങളും അവതരിപ്പിക്കപ്പെട്ടു.
