കണ്ണൂര്: മാലിന്യമുക്ത പഞ്ചായത്തിനായി മാലൂര് ഗ്രാമപഞ്ചായത്തിന്റെ നേതൃത്വത്തില് ശുചിത്വ പരിപാടികള്ക്ക് തുടക്കമായി. നഗരപ്രദേശങ്ങളും വീടുകളും ഒരുപോലെ ശുചീകരിക്കുകയും അതുവഴി വൃത്തിയും വെടിപ്പുമുള്ള അന്തരീക്ഷം സൃഷ്ടിക്കുകയുമാണ് ലക്ഷ്യമിടുന്നത്. ഇതു സംബന്ധിച്ച് പ്രസിഡന്റ് പി.അശോകന്റെ അധ്യക്ഷതയില് പഞ്ചായത്ത് ഹാളില് വിവിധ രാഷ്ട്രീയ പാര്ട്ടികളുടെയും സന്നദ്ധ സംഘടനകളുടെയും യോഗം ചേര്ന്നു. ചെറിയ ഒരുസ്ഥലത്തു മാത്രമായി ഒതുങ്ങിപ്പോകാതെ പഞ്ചായത്ത് മുഴുവനായി ശുചീകരണ പ്രവര്ത്തനം നടത്തണമെന്ന് പ്രസിഡന്റ് പി.അശോകന് നിര്ദേശിച്ചു. വിവിധ സന്നദ്ധ സംഘടനകള്, കുടുംബശ്രീ പ്രവര്ത്തകര്, വ്യാപാരി വ്യവസായി സംഘടനകള് തുടങ്ങിയവര് പ്രവര്ത്തനങ്ങള്ക്ക് നേതൃത്വം നല്കും. വീടുകള്, ആശുപത്രികള്, വിദ്യാലയങ്ങള്, റോഡുകള് എന്നിവ കേന്ദ്രീകരിച്ച് പ്രവര്ത്തനങ്ങള് സംഘടിപ്പിക്കും. 26 ന് പഞ്ചായത്തിലെ എല്ലാ വീടുകളിലും സ്ഥാപനങ്ങളിലും ശുചിത്വദീപം തെളിയിക്കും.
മാലൂര് പഞ്ചായത്തില് ശുചിത്വ പരിപാടികള്ക്ക് തുടക്കമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.