അയ്യപ്പന്കോവില് മുന് പഞ്ചായത്ത്
പ്രസിഡന്റടക്കം 50 പേര് സിപിഎം വിട്ടു
കട്ടപ്പന: അയ്യപ്പന്കോവില് മുന്പഞ്ചായത്ത് പ്രസിഡന്റും സിപിഎം മുന് ലോക്കല് കമ്മിറ്റി അംഗവുമായ എ എല് സതീശന്,മുന് ലോക്കല് കമ്മിറ്റി അംഗങ്ങളായ കെജി രാജു, കെജെ ജോസഫ് എന്നിവര് അടക്കം 50ഓളം പേര് സിപിഎമ്മില് നിന്നും രാജിവച്ചു.കഴിഞ്ഞ തദ്ദേശ സ്വയംഭരണ തെരഞ്ഞെടുപ്പില് പാര്ട്ടി നേതൃത്വം അയ്യപ്പന്കോവില് പഞ്ചായത്തില് നിരുത്തരവാദപരമായ സമീപനം സ്വീകരിച്ചത് ചോദ്യം ചെയ്ത തങ്ങളെ പാര്ട്ടിവേദികളില് ഒറ്റപ്പെടുത്തുന്ന സമീപനം സ്വീകരിക്കുകയും പാര്ട്ടി ലോക്കല് സെക്രട്ടറി സുമോദ് ജോസഫ്,തിരഞ്ഞെടുപ്പ് ചുമതല വഹിച്ചിരുന്ന റ്റികെ സിജുമോന് തുടങ്ങിയവരുടെ വാര്ഡുകളില് എല്ഡിഎഫ് സ്ഥാനാര്ത്ഥികള് നേരിയ വോട്ടുകള്ക്കാണ് പരാജയപ്പെട്ടത.് ഇത് ചോദ്യം ചെയ്ത പാര്ട്ടിയിലെ ഒരു വിഭാഗം ആളുകളെ പൊതുജനമധ്യത്തില് താറടിച്ചു കാണിക്കാനാണ് നേതൃത്വം തയ്യാറായത്.കഴിഞ്ഞ 40 വര്ഷക്കാലമായി പാര്ട്ടിക്കുവേണ്ടി ത്യാഗം സഹിച്ച തങ്ങളെ ആക്ഷേപിക്കുമ്പോള് ജില്ലാ നേതൃത്വത്തിന് നോക്കുകുത്തിയായി നില്ക്കാന് മാത്രമേ സാധിച്ചുള്ളൂ എന്നും ഇവര് ആരോപിക്കുന്നു.അയ്യപ്പന് കോവിലിലെ പാര്ട്ടി നേതൃത്ത്വത്തില് ഇപ്പോഴുള്ളത് മദ്യപാനികളും ആഭാസന്മാരുമാണെന്നാണ് വിമതരുടെ ആക്ഷേപം. ആദര്ശവാന്മാര്ക്ക് പാര്ട്ടിയില് സ്ഥാനമില്ലെന്നും ഇവര് പറഞ്ഞു.അയ്യപ്പന് കോവില് ഗ്രാമപഞ്ചായത്ത് പ്രസിഡന്റ് എ എല് ബാബുവിന്റെ സഹോദരനാണ് സതീശന് പാര്ട്ടി വിട്ട മുഴുവന് ആളുകളും സിപിഐ ല്ചേര്ന്ന് പ്രവര്ത്തിക്കുമെന്നും നേതാക്കള് അറിയിച്ചു
