കോട്ടയം: ഇടത്-വലത് മുന്നണികള് ആസ്മ രോഗത്തിനടിമപ്പെട്ടവരെപോലെയാണ്. വാവ് സമയത്ത് ആസ്മബാധിതര്ക്ക് ശ്വാസ തടസ്സം അനുഭവപ്പെടുന്നതുപോലെയാണ് തെരഞ്ഞെടുപ്പ് അടുക്കുമ്പോള് ജനരക്ഷയേക്കുറിച്ചു നവകേരളത്തെക്കുറിച്ചും പ്രസംഗിക്കുന്നതെന്ന് ബിജെപി ദേശീയ നിര്വ്വാഹകസമിതിയംഗം പി.കെ. കൃഷ്ണദാസ് അഭിപ്രായപ്പെട്ടു.
ബിജെപി കോട്ടയം നിയോജകമണ്ഡലം പ്രവര്ത്ത കണ്വന്ഷന് ഉദ്ഘാടനം ചെയ്യുകയായിരുന്നു അദ്ദേഹം. ഐക്യകേരളം രൂപംകൊണ്ടകാലം മുതല് ഭരണത്തിന് നേതൃത്വം കൊടുക്കുന്നവരുടെ കാപട്യം തിരിച്ചറിഞ്ഞ പൊതുസമൂഹം ബിജെപിക്കൊപ്പം അണിചേരുന്ന കാഴ്ചയാണ് എവിടെയും കാണുന്നതെന്നും അദ്ദേഹം പറഞ്ഞു. കുമ്മനം രാജശേഖരന് നയിക്കുന്ന വിമോചനയാത്ര കേരളത്തിന്റെ രാഷ്ട്രീയ പരിവര്ത്തനത്തിന്റെ വിളംബരമാകുമെന്നും അദ്ദേഹം കൂട്ടിച്ചേര്ത്തു.
നിയോജകമണ്ഡലം പ്രസിഡന്റ് സി.എന്. സുഭാഷ് അദ്ധ്യക്ഷത വഹിച്ചു. കര്ഷകമോര്ച്ച സംസ്ഥാന അദ്ധ്യക്ഷന് കെ.എസ്. രാജന്, ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന്, പി.കെ. രവീന്ദ്രന്, എന്. ഹരി, പി.ജി. ബിജുകുമാര്, കെ.കെ. മണിലാല്, ടി.എന്. ഹരികുമാര്, കെ. ശങ്കരന്, എസ്. രതീഷ്, പി.ജെ. ഹരികുമാര്, ബിനു ആര്. വാര്യര്, കുസുമാലയം ബാലകൃഷ്ണന്, നന്ദകുമാര്, നാസര് റാവുത്തര്, ബിനു മോഹന്, ജ്യോതി ശ്രീകാന്ത്, രേണുക ശശി, അനിതാ മോഹന്, വിജയലക്ഷ്മി, ഡി.എല്. ഗോപി, കെ.സി. സന്തോഷ്കുമാര്, ബിനു പുള്ളിവേലിക്കല്, ജോമോന്, കെ.ആര്. ശശി, ടി.ആര്. സുഗുണന്, സുരേഷ് ശാന്തി, കെ.പി. ഭുവനേശ്, രമേശ് കല്ലില്, അനില് തോട്ടുപുറം, രാജേഷ് ചെറിയമഠം, കെ.എന്. സജീവന്, കെ.യു. ശാന്തകുമാര്, അരുണ് ഷാജി തൈച്ചിറ, പ്രവീണ് ദിവാകരന്, സിന്ധു അജിത്, സുജാ സദന്, ഇന്ദിരാകുമാരി, അഡ്വ. സ്മിത എന്നിവര് സംസാരിച്ചു.
