മുണ്ടക്കയം: ന്യൂനപക്ഷങ്ങളോട് ബിജെപിക്കു അസഹിഷ്ണുതയില്ലെന്നു സം സ്ഥാന ജനറല് സെക്രട്ടറി കെ.സുരേന്ദ്രന്. ബിജെപി സംസ്ഥാന പ്രസിഡന്റ് കുമ്മനം രാജശേഖരന് നയിക്കുന്ന വിമോചനയാത്രയുടെ മുന്നോടിയായി നടത്തിയ പൂഞ്ഞാര് നിയോജക മണ്ഡലം കണ് വന്ഷന് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ന്യൂനപക്ഷങ്ങളെ വോട്ടുബാങ്ക് ആയി കാണുന്ന ഇടതു വലതു മുന്നണികളുടെ നിലപാടുകളോടാണ് ബിജെപിക്ക് അസഹിഷ്ണുതയുളളത്. ബിജെപിയേയും സംഘപരിവാര് സംഘടനകളേയും തെറ്റിധരിപ്പിച്ച് ന്യൂന പക്ഷങ്ങളുടെ വോട്ടു തട്ടാന് ഇരുമുന്നണികളും കേരളത്തില് മത്സരിക്കുകയാണ്. വരുന്ന നിയമസഭാ തെരഞ്ഞെടുപ്പില് ബിജെപി കേരളത്തില് അധികാരത്തില് വരും. മാറി മാറി ഭരിക്കുന്ന കേരളത്തിലെ മുന്നണികള്ക്കു വികസനകാഴ്ചപാടുകളില്ലാത്ത സാഹചര്യമാണുളളതെന്നും സുരേന്ദ്രന് പറഞ്ഞു.
വി.സി.അജികുമാര് അധ്യക്ഷത വഹിച്ച യോഗത്തില് ബി.രാധാകൃഷ്ണമേനോന്, കെ.എം.സന്തോഷ് കുമാര്, എന്. ഹരി, കെ.ബി.മധു, അഡ്വ. കെ.പി. സനല്കുമാര്, ആര്. ലിജിത് ലാല്, ആര്. സുനില്കുമാര്, കെ.വി.നാരായണന്, കെ.കെ.ശേഖരന്, ആര്.സി.നായര് എന്നിവര് സംസാരിച്ചു
