കോട്ടയം: ജീവകാരുണ്യ പ്രവര്ത്തനങ്ങള്ക്കും അടിസ്ഥാന സൗകര്യ വികസനത്തിനും അഞ്ച് കോടി രൂപയുടെ പദ്ധതിയുമായി ക്ഷത്രിയ ക്ഷേമ സഭ സംസ്ഥാന സമ്മേളനത്തിനു ഒരുങ്ങുന്നു. സഭയുടെ കോര്കമ്മിറ്റി അംഗീകരിച്ച പദ്ധതി ജനുവരി മൂന്നിനു ഞായറാഴ്ച എട്ട് മണിക്ക് സിഎംഎസ് കോളജ് ഗ്രേറ്റ് ഹാളില് (പ്രൊഫ. അമ്പലപ്പുഴ രാമവര്മ്മ നഗര്) ചേരുന്ന വാര്ഷിക പൊതുയോഗം ചര്ച്ച ചെയ്ത് അഗീകരിക്കും. പ്രതിനിധികളുടെ റജിസ്ട്രേഷന് എട്ടു മണിക്ക് ആരംഭി ക്കും. സംസ്ഥാന പ്രസിഡന്റ് പ്രൊഫ. കെ.എന്.സുരേന്ദ്രനാഥ വര്മ്മ പതാക ഉയര്ത്തും. മണ്മറഞ്ഞ പ്രതിഭകളെ കോര്ത്തിണക്കി തയാറാക്കിയ സമാദരം അനു സ്മരണ ഹൃസ്വചിത്രം പ്രദര്ശനം 9.30 ആരംഭിക്കും. 10നു വാര്ഷിക പൊതുയോഗം കലാമണ്ഡലം കല്പിത സര്വകലാശാലാ വൈസ് ചാന്സിലര് ഡോ. പി.എന്. സുരേഷ് ഉദ്ഘാടനം ചെയ്യും. പ്രഫ. കെ.എന്. സുരേന്ദ്രനാഥവര്മ്മ അധ്യക്ഷത വഹിക്കും. ജനറല് സെക്രട്ടറി എ. ഉദയവര്മ്മ വാര്ഷിക റിപ്പോര്ട്ട് അവതരിപ്പി ക്കും. രണ്ട് മണിക്കു വനിതാ സമ്മേളനം സംസ്ഥാന വനിതാ കമ്മീഷന് അംഗം ഡോ. ജെ. പ്രമീളാദേവി ഉദ്ഘാടനം ചെയ്യും. വ നിതാ വിഭാഗം അഡ്ഹോക് കമ്മിറ്റി അധ്യക്ഷ ഡോ. കെ. സുജാത അധ്യക്ഷത വഹിക്കും. 2.30നു പാലിയേറ്റീവ് കെയര് പദ്ധതി പ്രകാരം 10 വീല്ച്ചെയറുകള് വിതര ണം ചെയ്യും. തുടര്ന്നു മഹാറാണി സേതു പാര്വ്വതീബായി സ്മാരക സ്കോളര്ഷിപ്പ് വിതരണം ചെയ്യും. പൊളിറ്റക്കല് പെന്ഷന്, കാരുണ്യ പ്രവര്ത്തന ഫണ്ട് സമാഹരണം., ക്ഷത്രിയ ജനസംഖ്യാ കണക്കെടുപ്പ് , നയരൂപീകരണം, സഭാ ആസ്ഥാന മന്ദിരം എന്നീ വിഷയങ്ങളില് ചര്ച്ച നടക്കുമെന്നു സ്വാഗതസംഘം വര്ക്കിങ് ചെയര്മാന് ആത്മജ വര്മ്മ തമ്പുരാന്, ജനറല് കണ്വീനര് ടി. ആര്. അശോകന് തെക്കുംകൂര് എന്നിവര് അറിയിച്ചു.
ജീവകാരുണ്യ പ്രവര്ത്തനങ്ങള്ക്കുള്ള പദ്ധതിയുമായി ക്ഷത്രിയ ക്ഷേമ സഭ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.