കോട്ടയം: 32-ാമത് ദര്ശന കോട്ടയം അന്താരാഷ്ട്ര പുസ്തകമേള ജനുവരി 29 മുതല് ഫെബ്രുവരി 7 വരെ വിവിധ സാംസ്കാരിക പരിപാടികളോടെ തിരുനക്കര മൈതാനത്ത് നടക്കും. പുസ്തകമേളയുടെ സംഘാടനത്തില് മഹാത്മാഗാന്ധി സര്വ്വകലാശാല, ജില്ലാഭരണകൂടം, നഗരസഭ, കോട്ടയം ജില്ലാ പഞ്ചായത്ത് എന്നിവര് പങ്കാളിത്തം വഹിക്കും.
മേളയോടനുബന്ധിച്ച് എംജി സര്വ്വകലാശാല ഏര്പ്പെടുത്തിയ ദേശീയ പുസ്തക അവാര്ഡുകള് നല്കും. 2015 ഫെബ്രുവരി 1 മുതല് 2016 ജനുവരി 31 വരെ പ്രസിദ്ധീകരിച്ച ഗ്രന്ഥങ്ങളാണ് ദേശീയ പുസ്തക അവാര്ഡിനായി പരിഗണിക്കുക. അച്ചടി മികവ്, കവര് രൂപകല്പ്പന, പ്രസാധനം, മുദ്രണം തുടങ്ങി മേഖലകള് പരിഗണിക്കും. മികച്ച ബാലസാഹിത്യ പ്രസിദ്ധീകരണം, മികച്ച പാചകഗ്രന്ഥം, മികച്ച മാലിന്യ സംസ്ക്കരണത്തെ സംബന്ധിച്ച ഗ്രന്ഥം ദര്ശന സാംസ്കാരിക കേന്ദ്രം പ്രത്യേകം പ്രത്യേകമായി അവാര്ഡ് നല്കും. അവാര്ഡിനായി തങ്ങളുടെ ഗ്രന്ഥങ്ങള് പരിഗണിക്കാന് ആഗ്രഹിക്കുന്ന പ്രസാധകരും വ്യക്തികളും പുസ്തകങ്ങളുടെ രണ്ട് കോപ്പി വീതം ഓഫീസില് ഫെബ്രുവരി 2ന് മുമ്പ് ഏല്പ്പിക്കണം. സാഹിത്യ സംവാദങ്ങള്, സെമിനാറുകള്, പ്രശസ്ത സാഹിത്യ സാംസ്കാരിക നേതാക്കളുമായുള്ള അഭിമുഖങ്ങള്, ചര്ച്ചകള്, സിംപോസിയങ്ങള് എന്നിവയും നടക്കും.
