മമ്പറം: ജനക്ഷേമ സമിതി കേരളീയം-2015 അഗ്രിഫെസ്റ്റിന്റെ അഞ്ചാം ദിവസം രാവിലെ മമ്പറം യുപിസ്കൂളില് നടന്ന കാര്ഷിക സെമിനാര് വാര്ഡ് മെമ്പര് മനോജ് അണിയാരത്തിന്റെ അധ്യക്ഷതയില് വേങ്ങാട് ഗ്രാമപഞ്ചായത്ത് പ്രസിഡണ്ട് സി.പി.അനിത ഉദ്ഘാടനം ചെയ്തു. സെമിനാറില് ജൈവകൃഷി-തത്വവും പ്രയോഗവും എന്ന വിഷയത്തില് കെ.പി.ജയരാജന് (റിട്ട.കൃഷി ജോയിന്റ് ഡയറക്ടര്) ക്ലാസെടുത്തു. കോമളവല്ലി (വികസന സ്റ്റാന്റിംഗ് കമ്മറ്റി ചെയര്മാന്), എന്.വിജിന (മെമ്പര്, തലശ്ശേരി ബ്ലോക്ക് പഞ്ചായത്ത്), ചന്ദ്രന് കോരമ്പേത്ത് (പ്രിന്സിപ്പല് കൃഷിഓഫീസര്, കണ്ണൂര്), പീതാംബരബാബു വി.കെ (അസി.കൃഷിഅസിസ്റ്റന്റ് ഡയറക്ടര്) തുടങ്ങിയവര് സംസാരിച്ചു. കൈപ്പച്ചേരി മുകുന്ദന്, സി.പ്രകാശന്, ടി.കെ.പവിത്രന്, സി.കുഞ്ഞിക്കണ്ണന്, എന്നിവര് സംസാരിച്ചു.
ഉച്ചക്ക് 2 മണിക്ക് നടന്ന സെമിനാറില് പച്ചക്കറി വിളകളിലെ രോഗ കീട പരിപാലനം എന്ന വിഷയത്തില് കൃഷി ഓഫീസര് കെ.ടി.രമ ക്ലാസെടുത്തു. വേങ്ങാട് കൃഷി ഓഫീസര് വിഷ്ണു എസ്.നായര് സ്വാഗതം പറഞ്ഞു. പ്രോഗ്രാം ഓഫീസര്, പി.എം.സുരേന്ദ്ര ബാബു നന്ദിയും പറഞ്ഞു.
വൈകിട്ട് 5.30ന് പ്രദര്ശന നഗരിയില് അംഗന്വാടി കുട്ടികളുടെ കലാവിരുന്ന് നടന്നു. തുടര്ന്ന് നടന്ന സാംസ്കാരിക സദസ്സ് കേരള ഫോക്ലോര് അക്കാദമി, വൈസ് ചെയര്മാന് സുരേഷ് കൂത്തുപറമ്പ് ഉദ്ഘാടനം ചെയ്തു. പി.കെ.ശിവാനന്ദന് മാസ്റ്റര് അധ്യക്ഷത വഹിച്ചു. കൂത്തുപറമ്പ് അഗ്രിഹോര്ട്ടികള്ച്ചര് സൊസൈറ്റി പ്രസിഡണ്ട് ഇ.രാഘവന് സംസാരിച്ചു. ചടങ്ങിന് പി.കെ.അനില്കുമാര് സ്വാഗതവും എന്.ചന്ദ്രന് നന്ദിയും പറഞ്ഞു.
