മട്ടന്നൂര്: ഓട്ടോറിക്ഷയില് കടത്തുകയായിരുന്ന 100കുപ്പി മദ്യവുമായി യുവാവ് പിടിയില്. ഒരാള് ഓടിരക്ഷപ്പെട്ടു. ക്രിസ്തുമസ്-ന്യൂഇയര് സ്പെഷല് ഡ്രൈവിനോടനുബന്ധിച്ച് മട്ടന്നൂര് എക്സൈസ് സംഘം നടത്തിയ വാഹന പരിശോധനയിലാണ് മലയോര ഭാഗങ്ങളില് വില്പനക്കാര്ക്ക് വിതരണം ചെയ്യാനായി കൊണ്ടുവന്ന 100കുപ്പി വിദേശമദ്യവുമായി രണ്ടുപേരെ മട്ടന്നൂര് എക്സൈസ് ഇന്സ്പെക്ടര് എ.കെ.വിജേഷും സംഘവും പിടികൂടിയാണ്. കഴിഞ്ഞ ദിവസം രാത്രിയില് മട്ടന്നൂര്-പാലോട്ടുപള്ളിയില് വെച്ചാണ് കെഎല് 58 എല് 776 ഓട്ടോറിക്ഷ സഹിതം കൂത്തുപറമ്പ്-പൂക്കോട് മഠത്തില് വീട്ടില് പി.വി.രാജീവന് (42)നെ കസ്റ്റഡിയിലെടുത്തത്. കൂത്തുപറമ്പ്-പുറക്കളത്തെ ബത്തേരി ഹൗസില് കെ.പി.സത്യന് (40)ആണ് ഓടിരക്ഷപ്പെട്ടത്. മട്ടന്നൂര് കോടതയില് ഹാജരാക്കിയ പ്രതിയെ റിമാന്റ് ചെയ്തു. പ്രിവന്റീവ് ഓഫീസര്മാരായ സി.രവി, ബഷീര് പിലാട്ട്, സിവില് എക്സൈസ് ഓഫീസര്മാരായ ആനന്ദകൃഷ്ണന്, എന്.ജിനേഷ്, വി.എന്.സതീഷ്, കെ.കെ.സാജന് എന്നിവര് റെയ്ഡില് പങ്കെടുത്തു.
ഓട്ടോറിക്ഷയില് കടത്തുകയായിരുന്ന 100 കുപ്പി മദ്യവുമായി യുവാവ് പിടിയില്; ഒരാള് ഓടിരക്ഷപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.