പൊന്കുന്നം: പനമറ്റം ഗവ.ഹയര്സെക്കന്ററി സ്കൂളിലെ എന്എസ്എസ് യൂണിറ്റിന്റെ ഈ വര്ഷത്തെ സപ്തദിന സഹവാസ ക്യാമ്പ് 19 മുതല് 25 വരെ എലിക്കുളം എം.ജി.എം.യു.പി.സ്കൂളില് നടക്കും. 19ന് രാവിലെ 10 ന് പതാക ഉയര്ത്തല്. 3 ന് സമ്മേളനം ജില്ലാപഞ്ചായത്ത് അംഗം സെബാസ്റ്റ്യന് കുളത്തുങ്കല് ഉദ്ഘാടനം ചെയ്യും. എന്.എസ്.എസ് ജില്ലാ കോ-ഓര്ഡിനേറ്റര് ആല്ബി ആന്റോ മുഖ്യപ്രഭാഷണം നടത്തും. പാമ്പാടി ബ്ലോക്ക് പഞ്ചായത്ത് അംഗം ഡൈനിജോര്ജ്ജ് എലിക്കുളം ഗ്രാമപഞ്ചായത്ത് അംഗങ്ങളായ അഖില്കുമാര്, ബിന്ദുപൂവേലില്, ശ്രീജ സരീഷ്, സൂര്യമോള്, എം.ജി.എം.യു.പി.എസ് മാനേജര് എം.രാമചന്ദ്രന് നായര്, ഹെഡ്മാസ്റ്റര് പി.എന്.പ്രദീപ്കുമാര്, പനമറ്റം ഗവ.ഹയര്സെക്കന്ററി സ്കൂള് ഹെഡ്മിസ്ട്രസ് ടി.എസ്.യമുനാദേവി തുടങ്ങിയവര് പ്രസംഗിക്കും. 6ന് ക്ലാസ്, 8.30 ന് കലാപരിപാടികള്. 20 മുതല് നാടകകളരി, നാട്ടറിവ്, വാനനിരീക്ഷണം, കലാപരിപാടികള്, പഠനക്ലാസുകള്, പ്രവൃത്തിപരിയചയ ക്ലാസുകള്, കൃഷിപഠനം, പരിസ്ഥിതി സംരക്ഷണറാലി, തെരുവുനാടകം തുടങ്ങിയ പരിപാടികള് നടക്കും. 25 ന് ഉച്ചക്ക് 12 ന് സമാപനസമ്മേളനം എലിക്കുളം ഗ്രാമപഞ്ചായത്ത് പ്രസിഡന്റ് എം.പി.സുമംഗലാദേവി ഉദ്ഘാടനം ചെയ്യും. പനമറ്റം ജി.എച്ച്.എസ്സ്.എസ്. പ്രിന്സിപ്പല് വി.ടി.മാത്യു അദ്ധ്യക്ഷനാകും.
രാമപുരം: രാമപുരം മാര് ആഗസ്തിനോസ് കോളേജ് നാഷണല് സര്വ്വീസ് സ്കീമിന്റെ ആഭിമുഖ്യത്തില് സപ്തദിന സഹവാസ ക്യാമ്പ് ആരംഭിച്ചു. 24 സമാപിക്കും. ക്യാമ്പിനോടനുബന്ധിച്ച് പങ്കാളിത്തഗ്രാമമായ വെള്ളിലാപ്പിള്ളിയില് വിവിധ സേവന പ്രവര്ത്തനങ്ങള് നടത്തും. ഭവനനിര്മ്മാണ സഹായം, മാലിന്യനിര്മ്മാര്ജ്ജനം, ശുചിത്വ ബോധവല്ക്കരണം, ജൈവകൃഷി പരിശീലനം, നീര്ത്തട സംരക്ഷണം, ലഹരി വിരുദ്ധ ബോധവല്ക്കരണം എന്നീ പരിപാടികള് ക്യാമ്പ് ദിനങ്ങളില് നടക്കും. കോളേജ് ബര്സാര് ഷാജി ആറ്റുപുറത്ത്, എന്എസ്എസ് പ്രോഗ്രാം ഓഫീസര്മാരായ ജോബിന് പി. മാത്യു, സജേഷ് കുമാര് എന്.കെ., വോളന്റീയര് സെക്രട്ടറിമാരായ ദീപു സണ്ണി, ശ്രീലക്ഷ്മി കെ.ആര്. തുടങ്ങിയവര് നേതൃത്വം നല്കും.
