വാഴൂര്: വിഷരഹിത വിളയൊരുക്കാന് വാഴൂര് കാര്ഷിക കര്മസേന രംഗത്ത്. പച്ചക്കറിത്തോട്ടം നിര്മിക്കാന് താത്പര്യമുള്ള കര്ഷകര്ക്ക് വളക്കൂട്ടുകള് നിറച്ച ഗ്രോബാഗില് അത്യുല്പ്പാദന ശേഷിയുള്ള പച്ചക്കറി തൈകള് പിടിപ്പിച്ചത് നല്കിക്കൊണ്ടായിരുന്നു തുടക്കം.
കൃഷിവകുപ്പിന്റെ സമഗ്ര പച്ചക്കറി വികസന പദ്ധതിപ്രകാരം നടപ്പിലാക്കിയ ഗ്രോബാഗിലെ പച്ചക്കറി തൈകളുടെ വിതരണം വാഴൂരിലെ കാര്ഷിക കര്മസേന ഏറ്റെടുക്കുകയായിരുന്നു. തൊട്ടടുത്ത കാഞ്ഞിരപ്പള്ളി ബ്ലോക്കിലെ കാഞ്ഞിരപ്പള്ളി, എരുമേലി ഗ്രാമപഞ്ചായത്തുകളിലെ കര്ഷകര്ക്കുള്ള ഗ്രോബാഗ് തൈകളും തയാറാക്കി നല്കിയത് വാഴൂരില് നിന്നായിരുന്നു. അഞ്ഞൂറു രൂപ ഗുണഭോക്തൃവിഹിതമായി അടക്കുന്നവര്ക്ക് 25 ഗ്രോബാഗ് തൈകളാണ് വിതരണം ചെയ്തത്.
വിതരണോദ്ഘാടനം വാഴൂര് ഗ്രാമപഞ്ചായത്ത് പ്രസിഡന്റ് പ്രഫ. എസ്. പുഷ്കലാദേവി നിര്വഹിച്ചു. കര്മസേന പ്രസിഡന്റ് കെ.വി. ജ്ഞാനകുമാരന് അധ്യക്ഷതവഹിച്ചു. ജില്ലാ കൃഷി ഡപ്യൂട്ടി ഡയറക്ടര് സി. ഗീത മുഖ്യപ്രഭാഷണം നടത്തി. ബ്ലോക്ക് പഞ്ചായത്തംഗം കെ.എസ്. വിജയകുമാര്, വികസനകാര്യ സ്റ്റാന്ഡിംഗ് കമ്മിറ്റി ചെയര്പേഴ്സണ് പ്രേമലത ഷാജി, മുന് പഞ്ചായത്ത് പ്രസിഡന്റ് തോമസ് വെട്ടുവേലില്, ഗ്രാമപഞ്ചായത്തംഗങ്ങളായ ലീലാമണി ബാലചന്ദ്രന്, ലെയ്സാമ്മ സെബാസ്റ്റ്യന്, വാഴൂര് കൃഷി അസിസ്റ്റന്റ് ഡയറക്ടര് ബീന ജോര്ജ്, കൃഷി ഓഫീസര് കെ.കെ. ബിന്ദു, അസിസ്റ്റന്റ് കൃഷി ഓഫീസര്മാരായ എം.ജെ. തോമസ്, എ.ജെ അലക്സ് റോയ്, ടി.എ. ഷാനിദ, കര്മസേന ഭാരവാഹികളായ കെ.എം. ചാക്കോ, റംല, സിന്ധു കൃഷ്ണകുമാര്, ലക്ഷ്മിക്കുട്ടി എന്നിവര് പ്രസംഗിച്ചു.
ആവശ്യക്കാര്ക്ക് കൂടുതല് ഗ്രോബാഗ് തൈകള് തയാറാക്കി നല്കുന്നതിനും കൃഷിയിടങ്ങളിലെ കൃഷിപ്പണികള് നടത്തുന്നതിനും വേണ്ടുന്ന നടപടികള് കര്മസേന സ്വീകരിച്ചിട്ടുണ്ടെന്ന് കര്മസേന പ്രസിഡന്റ് കെ.വി. ജ്ഞാനകുമാര് അറിയിച്ചു.
