വെള്ളാപ്പള്ളി നടേശന്റെ ‘നായാടി-നമ്പൂതിരി’ ശ്രേണിയില്പ്പെട്ട ഒരു നമ്പൂതിരിയാണ് ഞാന്; അതില് അഭിമാനിക്കുകയും ചെയ്യുന്നു.
ബിജെപി ഇതര ഇടതു-വലതു, മധ്യവര്ഗ, മൃതമതേതര കക്ഷികളും ചാനലുകളും മഹാമാദ്ധ്യമങ്ങളും എന്നും ഹൈന്ദവ ഏകതയെ ഭയക്കുന്നവരാണ്. വെള്ളാപ്പള്ളിയുടെ ചരിത്രം സൃഷ്ടിച്ച സമത്വമുന്നേറ്റ യാത്ര ശംഖുംമുഖത്ത് ജലസമാധിയാവുമെന്ന് പ്രതീക്ഷിച്ചവരുടെ മനപ്പായസം തിളക്കുംമുമ്പെ വറ്റിപ്പോയി! അവരുടെ ഇച്ഛാഭംഗം ഒരു കൗതുകക്കാഴ്ച തന്നെ! പലവഴികളിലൂടെ ശംഖുംമുഖത്ത് ശാഖകളായി വന്നെത്തി കടല്ത്തിരപോലെ ആഞ്ഞടിച്ച മഹാജനറാലി, വോട്ടുബാങ്ക് രാഷ്ട്രീയക്കാരെ തെല്ലൊന്നുമല്ല അലോസരപ്പെടുത്തുന്നത്.
ഈ ഹൈന്ദവ കൂട്ടായ്മയുടെ സമ്മതിമുദ്ര അടുത്ത നിയമസഭാ തെരഞ്ഞെടുപ്പില് തങ്ങളുടെ പെട്ടിയില് വീഴുമെങ്കില് ഈ ഇരിയ്ക്കപ്പൊറുതി ഇല്ലായ്മക്ക് അറുതിവന്നേനെ. പക്ഷേ ഇന്നത്തെ രാഷ്ട്രീയ സാമൂഹ്യ സാമുദായിക കാലാവസ്ഥയില് അത്തരമൊരു സംഭാവ്യത തുലോം വിരളമെന്ന് ‘ഇടതു-വലതു രാഷ്ട്രീയ ഭീകരന്മാര്’ ന്യായമായും ഭയപ്പെടുന്നു.
ഹിന്ദു ഒന്നിച്ചാല് വര്ഗീയം, ഉരിയാടിയാല് വര്ഗീയം എന്ന പാടിപ്പഴകിയ നാട്ടുചൊല്ലില് കഴമ്പില്ല, പതിരേ ഉള്ളൂ എന്ന കാലത്തിന്റെ കണ്ടെത്തല് ആണ് വോട്ടുബാങ്ക് രാഷ്ട്രീയക്കാരുടെ അങ്കലാപ്പിന്റെ ആകത്തുക. വെള്ളാപ്പള്ളിക്കെതിരെ മുക്രയിടല് കേരളത്തിലെ കാളികൂളിക്കൂട്ടങ്ങളെ പ്രേരിപ്പിക്കുന്നത് സ്വാസ്ഥ്യജനകമല്ലാത്ത ഈ അങ്കലാപ്പ് തന്നെ!
ഈ മുകളിതപാണിയുടെ ധര്മസേനാരവം ഇവിടെ ബഹുഭൂരിപക്ഷത്തെ ഉത്തിഷ്ഠമാനന്മാരാക്കട്ടെ.
ഡോ.ജാതവേദന്
പുന്നയൂര്ക്കുളം
