കോട്ടയം: സമൂഹത്തില് അവഗണിക്കപ്പെട്ടവരുടേയും പാര്ശ്വവത്ക്കരിക്കപ്പെട്ടവരുടേയും ശബ്ദമായി ജനപ്രതിനിധികള് മാറണമെന്ന് കോട്ടയം അതിരൂപതാ മെത്രാപ്പോലീത്ത മാര് മാത്യു മൂലക്കാട്ട്.
ത്രിതല പഞ്ചായത്ത് തെരഞ്ഞെടുപ്പില് മത്സരിച്ച് വിജയികളായ കോട്ടയം അതിരൂപതാംഗങ്ങളായ അറുപത്തിനാല് ജനപ്രതിനിധികള്ക്ക് ക്രിസ്തുരാജ കത്തീഡ്രലില് സംഘടിപ്പിച്ച സ്വീകരണം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. അതിരൂപത സഹായ മെത്രാന് മാര് ജോസഫ് പണ്ടാരശ്ശേരില് പറഞ്ഞു. കോട്ടയം ജില്ലാ കളക്ടര് യു.വി.ജോസ് അതിരൂപതാ വികാരി ജനറാള് റവ. ഫാ. മൈക്കിള് വെട്ടിക്കാട്ട്, ഇടുക്കി ജില്ലാ പഞ്ചായത്ത് വൈസ് പ്രസിഡന്റ് മാത്യു ജോണ്, ഉഴവൂര് ബ്ലോക്ക് പഞ്ചായത്ത് പ്രസിഡന്റ് മോളി ലൂക്കോസ്, ത്രേസ്യാമ്മ ജോസഫ്, ബീന ബിജു, മിനി കുഞ്ഞുമോന്, മേരി ജെയിംസ് എന്നിവര് പ്രസംഗിച്ചു. സ്വീകരണത്തോടനുബന്ധിച്ച് ‘ത്രിതല പഞ്ചായത്ത് സംവിധാനങ്ങളിലെ ഉത്തരവാദിത്വപൂര്ണ്ണമായ നേതൃത്വവും പ്രവര്ത്തന സാധ്യതകളും’ എന്ന വിഷയത്തെ ആസ്പദമാക്കി കോട്ടയം ജില്ലാ കളക്ടര് യു.വി.ജോസ് ഐ.എ.എസ് ജനപ്രതിനിധികളുമായി സംവദിച്ചു.
