പാനൂര്‍: സിപിഎമ്മിന്റെ അസഹിഷ്ണുത രാഷ്ട്രീയത്തിനെതിരെയുളള വിധിയെഴുത്താണ് കൂത്തുപറമ്പ് നിയോജക മണ്ഢലത്തില്‍ നടന്നത്.സിപിഎമ്മിന്റെ അക്രമ രാഷ്‌ട്രീയത്തിനെതിരെ ജനാധിപത്യത്തിന്റെ വിജയമാണ് ഇവിടെയുണ്ടായതെന്നും ബിജെപി ദേശീയ നിര്‍വ്വാഹക സമിതി അംഗം ശോഭാസുരേന്ദ്രന്‍ പറഞ്ഞു.തദ്ദേശ തിരഞ്ഞെടുപ്പിലെ വിജയികള്‍ക്ക് പാനൂരില്‍ നല്‍കിയ സ്വീകരണ പരിപാടി ഉദ്ഘാടനം ചെയ്ത് പ്രസംഗിക്കുകയായിരുന്നു അവര്‍.വീരബലിദാനികളായ കെടി.ജയകൃഷ്ണന്‍ മാസ്റ്ററെയും,പന്ന്യന്നൂര്‍ ചന്ദ്രേട്ടനെയും പോലുളളവരെ ഇല്ലായ്‌മ ചെയ്ത് സംഘപ്രസ്ഥാനങ്ങളെ തകര്‍ക്കാമെന്ന് വ്യാമോഹിച്ച മാര്‍ക്കിസ്റ്റ് നേതൃത്വത്തിന് ജനം തിരിച്ചടി നല്‍കിയിരിക്കുന്നു.മലയാള സിനിമയില്‍ മോഹന്‍ലാല്‍ അവതരിപ്പിച്ച നീലകണ്ഠന്‍ എന്ന കഥാപാത്രം വഴിമാറടാ മുണ്ടക്കല്‍ ശേഖരായെന്ന് പറഞ്ഞ് നെഞ്ചുവിരിച്ചു മുന്നോട്ടു വന്നതു പോലയാണ് കണ്ണൂരിലെ ധീരന്‍മാരായ പ്രവര്‍ത്തകര്‍ സിപിഎമ്മിന്റെ കോട്ടകളായ മൊകേരിയിലും,പാട്യത്തും കാവികൊടി പാറിച്ചിരിക്കുന്നത്.ഇത് അഭിമാനകരമാണ്. ഇന്ത്യയില്‍ മൂന്ന് ശതമാനം വോട്ടര്‍മാര്‍ മാത്രമുളള സിപിഎം ബിജെപിയെ നശിപ്പിക്കാന്‍ ശ്രമിക്കുമെന്ന് ഗീര്‍വ്വാണം മുഴുക്കുമ്പോള്‍ സഹതാപം തോന്നുന്നു.തദ്ദേശ തിരഞ്ഞെടുപ്പില്‍ 28,70000 വോട്ടു നേടിയ ബിജെപി ഫൈനലിനായി ഒരുങ്ങി കഴിഞ്ഞു.34 സാമുദായിക സംഘടനകളുമായി സഖ്യത്തിലേര്‍പ്പെട്ട്് നിയമസഭാ തിരഞ്ഞെടുപ്പിനെ നേരിടാന്‍ പാര്‍ട്ടി തീരുമാനിച്ചു കഴിഞ്ഞു.വിഎം.സുധീരനും,കോടിയേരി ബാലകൃഷ്ണനും കരുതിയിരിക്കുന്നത് നല്ലതാണെന്നും ശോ‘ാസുരേന്ദ്രന്‍ ഓര്‍മ്മിപ്പിച്ചു.നേതാക്കളുടെ മക്കളെ വിദേശത്തു പഠിപ്പിച്ചും,ബിസിനസിലിറക്കിയും,പിണറായിയും,കോടിയേരിയും നേട്ടം കൊയ്യുമ്പോള്‍ സാധാരണപ്രവര്‍ത്തകരെ ആയുധം നല്‍കി പറഞ്ഞയക്കുകയാണ്.കേരളത്തില്‍ വികസനം ചര്‍ച്ച ചെയ്യുന്ന ‘രണകൂടമാണ് വരേണ്ടത്.അഴിമതിയും,അക്രമവുമില്ലാത്ത വികസനപാതയില്‍ മുന്നോട്ടു പോകുന്ന ഒരു സര്‍ക്കാറിനെയാണ് ജനം ആഗ്രഹിക്കുന്നത്.ഒരു കുഞ്ഞികാലു കാണാനല്ല,‘രണം നിയന്ത്രിക്കാനാണ് ബിജെപിയുടെ നീക്കം.കേരള വികസനത്തിന് സബര്‍ബന്‍ ട്രയിനും,വിഴിഞ്ഞവും,ഐടിഐയും മറ്റും വരുന്നത് നരേന്ദ്രമോദിയുടെ കാഴ്ചപാടിന്റെ ‘ാഗമാണ്.പറയാതെ തന്നെ കേരളത്തിന് വാരികോരി നല്‍കുകയാണ് കേന്ദ്രം.എല്ലാവര്‍ക്കും ‘വനം പദ്ധതിയില്‍ ലക്ഷംവീടിനെ ഉള്‍പ്പെടുത്തിയിരിക്കുകയാണ്.റബര്‍ കര്‍ഷകര്‍ക്ക് പാക്കേജ് പ്രഖ്യാപിച്ച് കര്‍ഷകര്‍ക്ക് സമാശ്വാസം നല്‍കിയിരിക്കുകയാണ്.കേന്ദ്രസര്‍ക്കാറിനെതിരെ തെറ്റായ പ്രചരണം നടത്തുകയാണ് പ്രതിപക്ഷം.തുടര്‍ച്ചയായി പാര്‍ലമെന്റ് തടസപ്പെടുത്തി ജനങ്ങളെ വെല്ലുവിളിക്കുകയാണ് കോണ്‍ഗ്രസ്.ഇത് ജനാധിപത്യത്തിനോടുളള വെല്ലുവിളിയാണെന്നും അവര്‍ തുടര്‍ന്ന് പറഞ്ഞു.മണ്ഢലം പ്രസിഡണ്ട് വിപി.സുരേന്ദ്രന്‍ അദ്ധ്യക്ഷത വഹിച്ചു.ജില്ലാപ്രസിഡണ്ട് കെ.രജ്ഞിത്ത്,ജില്ലാവൈസ് പ്രസിഡണ്ടുമാരായ പി.സത്യപ്രകാശ്,മോഹനന്‍ മാനന്തേരി,ജില്ലാസെക്രട്ടറി വിജയന്‍ വട്ടിപ്രം,മഹിളാമോര്‍ച്ച സംസ്ഥാന സെക്രട്ടറി സിപി.സംഗീത,കെ.കാര്‍ത്തിക,കെകെ.ചന്ദ്രന്‍,കെകെ.ധനജ്ഞയന്‍,പിടികെ.നാണു,വിപി.ബാലന്‍ മാസ്റ്റര്‍,കെപി.സജ്ഞീവ് കുമാര്‍,രാജേഷ് കൊച്ചിയങ്ങാടി,എ.രതി തുടങ്ങിയവര്‍ പ്രസംഗിച്ചു.ജനപ്രതിനിധികളെ ശോ‘ാസുരേന്ദ്രന്‍ ആദരിച്ചു.പുത്തൂര്‍ റോഡില്‍ നടന്ന പരിപാടിയില്‍ ആയിരങ്ങള്‍ അണിനിരന്നു.
തെരഞ്ഞെടുപ്പിലെ ബിജെപിയുടെ വിജയം : സിപിഎമ്മിന്റെ അസഹിഷ്ണുത രാഷ്ട്രീയത്തിനെതിരെയുളള വിധിയെഴുത്ത് : ശോഭാ സുരേന്ദ്രന്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.