കാഞ്ഞിരപ്പള്ളി: റബര് ആവര്ത്തന കൃഷിക്കും പുതുകൃഷിക്കും റബര്കൃഷി വികസന പദ്ധതിപ്രകാരമുള്ള ധനസഹായത്തിനുള്ള അപേക്ഷ 31ന് മുമ്പ് നല്കണം. 2015 വര്ഷത്തില് കൃഷിചെയ്തിട്ടുള്ള സ്ഥലത്തിന്റെ അപേക്ഷയുടെയും റഫ് സ്കെച്ചിന്റെയും രണ്ടു കോപ്പികള് വീതമാണ് കാഞ്ഞിരപ്പള്ളി റീജണല് ഓഫീസില് അപേക്ഷയോടൊപ്പം നല്കേണ്ടത്. അപേക്ഷാഫോറങ്ങളും വിശദ വിവരങ്ങളും സൗജന്യമായി റീജണല് ഫീല്ഡ് ഓഫീസുകളില് ലഭിക്കും. റബര്ബോര്ഡിന്റെ ംംം.ൃൗയയലൃയീമൃറ.ീൃഴ.ശി എന്ന വെബ്സൈറ്റിലുള്ള ഫോറത്തിലും അപേക്ഷ നല്കാവുന്നതാണ്. കേരളവും തമിഴ്നാട്ടിലെ കന്യാകുമാരി ജില്ലയും ഉള്പ്പെടുന്ന പരമ്പരാഗത മേഖലയില് ഈ വര്ഷം കൃഷിചെയ്യുന്നതുള്പ്പെടെ അഞ്ചു ഹെക്ടറില് കവിയാതെ റബര്കൃഷിയുള്ള കര്ഷകര്ക്ക് രണ്ടു ഹെക്ടര് വരെ ആവര്ത്തനകൃഷിയോ പുതുകൃഷിയോ ചെയ്യുന്നതിന് ധനസഹായത്തിന് അര്ഹതയുണ്ടായിരിക്കും. ആവര്ത്തന കൃഷിക്കും പുതുകൃഷിക്കും ഹെക്ടറിന് 25000 രൂപയാണ് ധനസഹായനിരക്ക്.
അപേക്ഷ 31ന് മുമ്പ് നല്കണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.