ചങ്ങനാശേരി: സാധാരണക്കാരന് നിയമത്തെക്കുറിച്ച് അവബോധം നല്‍കി നിയമ സാക്ഷരത നടപ്പാക്കിയ താലൂക്ക് ലീഗല്‍ സര്‍വീസസ് കമ്മറ്റിയുടെ പ്രവര്‍ത്തനങ്ങള്‍ മാതൃകാപരമാണെന്ന് ജില്ലാജഡ്ജി എസ്. ശാന്തകുമാരി പറഞ്ഞു. താലൂക്ക് ലീഗല്‍ സര്‍വ്വീസ് കമ്മറ്റിയുടെ നേതൃത്വത്തില്‍ നടത്തിയ നിയമസാക്ഷര നഗരമാലിന്യ പദ്ധതി ഉദ്ഘാടനം ചെയ്യുകയായിരുന്നു അവര്‍. ജില്ല കളക്ടര്‍ യു. വി. ജോസ് അധ്യക്ഷത വഹിച്ചു.
ലീഗല്‍ സര്‍വ്വീസ് അതോറിറ്റി സെക്രട്ടറി സി. സുരേഷ്‌കുമാര്‍ സര്‍ട്ടിഫിക്കറ്റുകളും, ചങ്ങനാശേരി മുന്‍സിഫ് എ. ജൂബീയ സമ്മാനങ്ങളും വിതരണം ചെയ്തു.
താലൂക്ക് ലീഗല്‍ സര്‍വ്വീസ് കമ്മിറ്റി ചെയര്‍മാന്‍ വി. ഉദയകുമാര്‍, നഗരസഭാധ്യക്ഷന്‍ സെബാസ്റ്റ്യന്‍ മാത്യു മണമേല്‍, അഡ്വ. പി. സി. ചെറിയാന്‍, പ്രൊഫ: പി. മാധവന്‍പിള്ള, നഗരസഭാ ഉപാധ്യക്ഷ എല്‍സമ്മജോബ്, പ്രൊഫ: എസ്. ആനന്ദക്കുട്ടന്‍, നഗരസഭാംഗം സാജന്‍ ഫ്രാന്‍സിസ്, അഡ്വ. സോണിജേക്കബ്ബ്, അഡ്വ. ആര്‍. അനിത, എന്നിവര്‍ സംസാരിച്ചു. ടെലിംസി പദ്ധതിയില്‍ പങ്കാളികളായ എന്‍.എസ്.എസ്., എസ്.ബി, അസംപ്ഷന്‍ കോളേജുകളിലെ നാഷണല്‍ സര്‍വീസ് ടീം വോളണ്ടിയര്‍മാര്‍ക്കും എം.എസ്. ഡബഌൂ വിദ്യാര്‍ത്ഥികള്‍ക്കും സമ്മേളനത്തില്‍ സര്‍ട്ടിഫിക്കറ്റുകള്‍ വിതരണം ചെയ്തു.
