കൊല്ലം: സമൂഹത്തിലെ അശരണര്, കഷ്ഠടത അനുഭവിക്കുന്നവര്, നിര്ധനര്, മാരകരോഗങ്ങള്ക്ക് അടിമപ്പെട്ടവര് തുടങ്ങിയവരെ സഹായിക്കുന്നതിന് വേണ്ടി ഭാരത് സ്കൗട്ട് ആന്റ് ഗൈഡിന്റെ ആഭിമുഖ്യത്തില് കാസര്ഗോഡ് നിന്നാരംഭിച്ച സാന്ത്വനസന്ദേശയാത്രക്ക് ഗംഭീര സ്വീകരണം നല്കി. നൂറുകണക്കിന് സ്കൗട്ടുകളും ഗൈഡുകളും അദ്ധ്യാപകരും ചേര്ന്ന് ചിന്നക്കടയില് നടത്തിയ സ്വീകരണ സമ്മേളനം മേയര് വി.രാജേന്ദ്രബാബു ഉദ്ഘാടനം ചെയ്തു.
ജില്ലാ കളക്ടര് എ.ഷൈനാമോള് മുഖ്യപ്രഭാഷണം നടത്തി. അസോസിയേഷന് വൈസ് പ്രസിഡന്റ് ആനേപ്പില് സുരേഷിന്റെ അദ്ധ്യക്ഷതയില് കൂടിയ സമ്മേളനത്തില് ആര്സിസിക്ക് ആംബുലന്സ് വാങ്ങുന്നതിന് വേണ്ടിയുള്ള വിഹിതം ജാഥക്യാപ്റ്റനെ ഏല്പ്പിച്ചു. ജി.കെ. ഗിരിഷ് സന്ദേശയാത്രയെക്കുറിച്ച് വിശദീകരിച്ചു. സമ്മേളനത്തില് 34 പേര്ക്ക് ഡെപ്യൂട്ടിമേയര് വിജയ ഫ്രാന്സിസ്, പ്രമുഖ വ്യവസായി വെങ്കിട്ടനാരായണന്, സ്കൗട്ട് സ്റ്റേറ്റ് ട്രെയിനിംഗ് കമ്മീഷണര് എന്.തുളസീധരന്, കുഞ്ഞനാമ്മ, പുന്തല മോഹന് എന്നിവര് സഹായങ്ങള് വിതരണം ചെയ്തു. എസ്.ചിത്തരഞ്ചന് സ്വാഗതവും സുനില് ജോര്ജ്ജ് നന്ദിയും പറഞ്ഞു.
