കോട്ടയം: ചെന്നൈയില് പ്രളയ ബാധിത പ്രദേശങ്ങളിലേക്ക് സഹായവുമായി കോട്ടയം ഡിപ്പോയില് നിന്നും കെ എസ് ആര് ടി സി ബസ് പുറപ്പെട്ടു. ഡിപ്പോയ്ക്ക് ലഭിച്ച പുതിയ ബസ് തന്നെയാണ് ഇതിന് വേണ്ടി ഉപയോഗിച്ചത്.
ഡിപ്പോയിലെ ജീവനക്കാര്, ഫേസ്ബുക്ക് കൂട്ടായ്മ, സന്നദ്ധ പ്രവര്ത്തകര് തുടങ്ങി നിരവധി സുമനസുകളുടെ സഹായത്താല് ലഭിച്ച ഭക്ഷണ വസ്തുകളും മറ്റു അത്യാവശ്യ സാധനങ്ങളുമായാണ് കോട്ടയം ഡിപ്പോയില് നിന്നും ബസ് പുറപ്പെട്ടത്.
ചെന്നൈയില് കുടുങ്ങികിടക്കുന്നവരെ നാട്ടിലെത്തികാന് വേണ്ടി കേരള സര്ക്കാര് സൗജന്യമായാണ് കെ എസ് ആര് ടി സി ബസുകള് വിട്ടു നല്കിയിരിക്കുന്നത്. ഇതിന്റെ ഭാഗമായി കോട്ടയത്ത് നിന്നും പുറപ്പെട്ട ബസിലാണ് ഭക്ഷണ സാധനങ്ങള് ഉള്പ്പടെയുള്ള സഹായങ്ങള് അയച്ചത്. ദുരന്തം ഉണ്ടാകുമ്പോള് എല്ലാവരും ആദ്യഘട്ടങ്ങളില് സഹായ ഹസ്തവുമായി എത്തുന്ന പ്രവണത പതിവ് കാഴ്ചയാണ്. എന്നാല് ഇതിനു ശേഷം യാതൊരു സഹായും ആരില് നിന്നും ലഭിക്കാറില്ല. ഇതിനു വിപരീതമായാണ് തങ്ങള് പ്രവര്ത്തിക്കുന്നതെന്നും ഫേസ്ബുക്ക് കൂട്ടായമ ഭാരവാഹികള് പറഞ്ഞു. ജനറല് കണ്വീനര് സതീഷ് ബസിന്റെ താക്കോല് ദാനം നിര്വഹിച്ചു. മുനിസിപ്പല് കൗണ്സിലര് ഗോപകുമാര്, ഡി റ്റി ഒ ഷാജി, ഫേസ്ബുക്ക് കൂട്ടായ്മയിലെ ഭാരവാഹികള് തുടങ്ങിയവര് പങ്കെടുത്തു.
