കാഞ്ഞങ്ങാട്: ചട്ടഞ്ചാല് കാവുംപള്ളം ശ്രിധര്മ്മശാസ്താ ഭജന മന്ദിരം തകര്ക്കുകയും അയ്യപ്പന്മാരെ അക്രമിക്കുകയും ചെയ്ത മുസ്ലീം ഭീകരര്ക്കെതിരെ കര്ശന നടപടി സ്വീകരിക്കണമെന്ന് മഹിള ഐക്യവേദി സംസ്ഥാന അധ്യക്ഷ നിഷ ടീച്ചര് ആവശ്യപ്പെട്ടു. കാസര്കോട് ജില്ലയില് നിരന്തരമായി നടക്കുന്ന ക്ഷേത്ര ധ്വംസനങ്ങള് കണ്ടില്ലെന്ന് നടിക്കുന്ന ഭരണകൂടവും പോലീസും പ്രതികള്ക്ക് ഒത്താശ ചെയ്യുകയാണ്. ഭജന മന്ദിരത്തിനുള്ളിലെ രക്തക്കറ അയ്യപ്പന്മാരെ കൊണ്ട് കഴുകിച്ച് തെളിവ് നശിപ്പിച്ച പോലീസ് ഉദ്യോഗസ്ഥര് ഭീകവാദികള്ക്ക് സംരക്ഷണം കൊടുക്കുകയാണ് ചെയ്തത്. ഇത് ഹിന്ദുക്കളെ അപമാനിക്കലാണ്. അക്രമത്തില് പങ്കെടുത്ത മുഴുവന് പ്രതികളെയും അറസ്റ്റ് ചെയ്ത് നിയമനടപടി സ്വീകരിച്ചില്ലെങ്കില് ശക്തമായ സമരപരിപാടികള്ക്ക് നേതൃത്വം നല്കുമെന്നും നിഷ ടീച്ചര് പറഞ്ഞു. നിഷ ടീച്ചറോടൊപ്പം സംസ്ഥാന സെക്രട്ടറി ശ്രീധര്ജി, കുഞ്ഞിരാമന്, ആര്എസ്എസ് കണ്ണൂര് വിഭാഗ് കാര്യകാരി സദസ്യന് എ.വേലായുധന് എന്നിവര് സ്ഥലം സന്ദര്ശിച്ചു.
