കാഞ്ഞിരപ്പള്ളി: ദേശീയ ലീഗല് സര്വ്വീസ് അതോറിട്ടിയുടെ ആഭിമുഖ്യത്തില് നടത്തുന്ന ദേശീയ ലോക് അദാലത്തിന്റെ ഭാഗമായി ഡിസംബര് 12 ന് കാഞ്ഞിരപ്പള്ളി ലീഗല് സര്വീസസ് കമ്മറ്റിയുടെ നേതൃത്വത്തില് ലോക് അദാലത്ത് കാഞ്ഞിരപ്പള്ളി കോടതി കെട്ടിടത്തില് നടത്തും.
റവന്യൂ, വാട്ടര് അതോറിട്ടി, വൈദ്യുതി, ടെലഫോണ്, ബാങ്ക് സംബന്ധമായ പരാതികള് ഡിസംബര് 2ന് മുന്പായി കോടതിയ്ക്ക് സമീപമുള്ള ലീഗല് സര്വ്വീസസ് കമ്മറ്റി ഓഫീസില് നല്കണം. 2ന് ശേഷം ലഭിക്കുന്ന പരാതികള് ദേശീയ ലോക് അദാലത്തിലേയ്ക്ക് പരിഗണിക്കുന്നതല്ല. ഡിസംബര് 12ന് മജിസ്ട്രേറ്റ് കോടതികള് പ്രവര്ത്തിക്കും.
മജിസ്ട്രേറ്റ് കോടതികളില് തീര്പ്പാക്കേണ്ട പെറ്റികേസുകള്, പ്ലീഡിങ് ഗില്റ്റി, മറ്റ് ക്രിമിനല് കേസുകള് എന്നിവ അതാത് കോടതികളില് പരിഗണിച്ച് തീര്പ്പാക്കുന്നതാണ്. നോട്ടീസ് ലഭിച്ചിട്ടുള്ളവര് അന്നേദിവസം കോടതിയില് ഹാജരാകണമെന്ന് ലീഗല് സര്വ്വീസസ് കമ്മറ്റി ചെയര്പേഴ്സണ് കാഞ്ഞിരപ്പള്ളി ജുഡീഷ്യല് ഫസ്റ്റ് കഌസ് മജിസ്ട്രേറ്റ് റോഷന് തോമസ് അറിയിച്ചു.
