കുമരകം: അംഗന്വാടികുട്ടികള്ക്കും അയല്ക്കാര്ക്കും ആരോഗ്യപ്രശ്നങ്ങള് സൃഷ്ടിക്കുന്ന കോഴിഫാം പ്രവര്ത്തനം നിര്ത്തണമെന്ന ആരോഗ്യവകുപ്പിന്റെ ഉത്തരവ് നടപ്പാക്കാത്തതില് പ്രതിഷേധിച്ച് ജില്ലാ കളക്ടര്ക്ക് പരാതി നല്കി.
കുമരകം പത്താം വാര്ഡില് കാട്ടുത്തറ സണ്ണി മാത്യുവിന്റെ കോഴിഫാമാണ് ആര്ഗോയപ്രശ്നങ്ങള്ക്ക് കാരണമായത്. ഈ ഫാമിന്റെ സമീപവാസികളായ കുറ്റിക്കോട്ട് കുഞ്ഞുമോന്, വേലക്കടവില് ഗിരീഷ്, പുത്തന്പറമ്പില് ഷൈലജ എന്നിവര് ചേര്ന്നാണ് പരാതി നല്കിയത്. നാലുസെന്റ് പുരയിടത്തില് വീടും ഇതോടൊപ്പം പ്രവര്ത്തിക്കുന്ന കോഴിഫാമും ഈ പുരയിടത്തിനു ചുറ്റും താമസിക്കുന്ന സമീപവാസികള്ക്കും അംഗന്വാടിക്കും ദോഷകരമായി പ്രവര്ത്തിക്കുന്നതാണ് പരാതിക്കിടയാക്കിയത്. പഞ്ചായത്ത് ലൈസന്സില്ലാതെ പ്രവര്ത്തിക്കുന്ന ഈ ഫാം നിര്ത്തലാക്കണമെന്ന് കുമരകം ഹെല്ത്ത് ഇന്സ്ട്രെക്ടര്ക്ക് സമീപവാസികള് പരാതി നല്കി. തുടര്ന്ന് ഫാം പ്രവര്ത്തനം നിര്ത്തിവെക്കണമെന്ന് ഹെല്ത്ത് ഇന്സ്പെക്ടര് 7-10-2015 ല് ഉത്തരവ് ഫാം ഉടമയ്ക്ക് നല്കിയെങ്കിലും ഫലമുണ്ടായില്ല. ഇതേതുടര്ന്നാണ് ജില്ലാ കളക്ടര്ക്ക് പരാതി നല്കിയത്.
