പാനൂര്: പാനൂരില് കഞ്ചാവ് വില്പ്പന വ്യാപകമാവുന്നു. വില്പ്പനക്കിടെ യുവാവിനെ പോലീസ് പിടികൂടി. കഴിഞ്ഞ ദിവസം രാത്രിയാണ് കെസ്ഇബി ഓഫീസിനു സമീപത്തു നിന്നും പാലത്തായിലെ ഫൈസല്(26)നെ പോലീസ് പിടികൂടിയത്. 200 ഗ്രാം കഞ്ചാവ് പൊതി ഇയാളില് നിന്നും കണ്ടെടുത്തു. എസ്ഐ ടി.എന്.സന്തോഷ്കുമാറിന്റെ നേതൃത്വത്തില് ശക്തമായ നിരീക്ഷണത്തിനൊടുവിലാണ് ഫൈസല് പിടിയിലാവുന്നത്. കൂടുതല് സാധനം സ്റ്റോക്കു ചെയ്യാതെ താല്ക്കാലിക ആവശ്യത്തിന് എത്തിക്കുകയാണ് പതിവ്. ഇറച്ചിത്തോല് കട കേന്ദ്രീകരിച്ചാണ് ഇവിടെ കഞ്ചാവ് വില്പ്പന നടക്കുന്നതെന്ന്് നാട്ടുകാര് പറയുന്നു. വാഹനങ്ങളിലായി എത്തുന്ന ചെറുസംഘങ്ങള് ഇവിടെയിരുന്നു പരസ്യമായി കഞ്ചാവു വലിക്കുന്നതും സ്ഥിരം കാഴ്ചയാണ്. പാനൂര് മത്സ്യമാര്ക്കറ്റ് കേന്ദ്രീകരിച്ചും വില്പ്പന നടക്കുന്നതായി പരാതിയുണ്ട്. നിരവധി പേര് ഇപ്പോള് പോലീസ് നിരീക്ഷണത്തിലാണ്. കോളേജ് വിദ്യാര്ത്ഥികളടക്കം ഇത്തരം സംഘങ്ങളുടെ വലയിലാകപ്പെട്ടതായും സൂചനയുണ്ട്. കഞ്ചാവ് വില്പ്പനക്കെതിരെ ശക്തമായ അന്വേഷണമുണ്ടാവുമെന്നും ആരോപണ വിധേയമായ സ്ഥാപനങ്ങള് നിരീക്ഷണത്തിലാണെന്നും എസ്ഐ ടിഎന്.സന്തോഷ്കുമാര് പറഞ്ഞു. അറസ്റ്റിലായ ഫൈസലിനെ കോടതിയില് ഹാജരാക്കി.
പാനൂരില് കഞ്ചാവ് വില്പ്പന വ്യാപകമാവുന്നു: വില്പ്പനക്കിടെ യുവാവ് പോലീസ് പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.