കണ്ണൂര്: 2016 ലെ സംക്ഷിപ്ത വോട്ടര്പട്ടിക പുതുക്കലുമായി ബന്ധപ്പെട്ട് കലക്ടറേറ്റിലെ ഇലക്ഷന് വിഭാഗത്തിന്റെ നേതൃത്വത്തില് കണ്ണൂര്, തലശ്ശേരി, തളിപ്പറമ്പ്, ഇരിട്ടി താലൂക്കുകളിലെ വിദ്യാഭ്യാസസ്ഥാപനങ്ങളിലും ആദിവാസി മേഖലകളിലും ക്യാമ്പുകള് തുടങ്ങി. 2016 ജനുവരി 1 ന് 18 വയസ്സ് തികയുന്ന എല്ലാ വിദ്യാര്ത്ഥികള്ക്കും പേര് ചേര്ക്കാവുന്ന വിധം ബന്ധപ്പെട്ട സ്ഥാപന മേധാവികള് സ്ഥാപനത്തിലെ ഇന്റര്നെറ്റ് സൗകര്യം ഉള്പ്പെടെ ലഭ്യമാക്കി സഹകരിക്കണമെന്ന് ജില്ലാ കലക്ടര് അറിയിച്ചു.
വിദ്യാര്ത്ഥികള്ക്ക് സ്വന്തമായും വിദ്യാഭ്യാസസ്ഥാപനത്തിലെ ഇന്റര്നെറ്റ് സംവിധാനം പ്രയോജനപ്പെടുത്തിയും ംംം.രലീ.സലൃമഹമ.ഴീ്.ശി എന്ന സൈറ്റിലൂടെ നവംബര് 30 വരെ ഓണ്ലൈനായി അപേക്ഷ നല്കാവുന്നതാണ്. അപേക്ഷ സമര്പ്പിക്കുന്നതിന് നിലവില് വോട്ടര്പട്ടികയില് പേരുള്ള കുടുംബാംഗങ്ങളുടെയോ അയല്ക്കാരുടെയോ തിരിച്ചറിയല് കാര്ഡ് നമ്പര്, വീട്ടുനമ്പര്, വാര്ഡ് നമ്പര് എന്നിവ ആവശ്യമാണ്. ക്യാമ്പ് ദിവസം വിദ്യാര്ത്ഥികള് ഈ വിവരങ്ങള് ലഭ്യമാക്കണം. ഫോട്ടോ പിന്നീട് ബിഎല്ഒയുടെ കൈയില് കൊടുത്തയച്ചാല് മതിയാകും. താമസം മാറിയവര്ക്ക് വോട്ട് മാറ്റിച്ചേര്ക്കുന്നതിനും നിലവിലുള്ള വോട്ടര് പട്ടികയില് തിരുത്തലുകള് വരുത്തുന്നതിനും നവംബര് 30 വരെ ഓണ്ലൈനില് അപേക്ഷ സമര്പ്പിക്കാവുന്നതാണ്.
കണ്ണൂര് താലൂക്കില് ഇന്ന് 10.30 – കൊയിലി നഴ്സിങ് കോളേജ് കാട്ടാമ്പള്ളി, കോളേജ് ഓഫ് കോമേഴ്സ് കണ്ണൂര്, ജേബീസ് കോളേജ് പള്ളിക്കുളം, 12 മണി – കൈരളി കോളേജ് തായത്തെരു, 2 മണി – കൊയിലി നഴ്സിങ് സ്കൂള് കണ്ണൂര്, ഗവ. നഴ്സിങ് കോളേജ് കണ്ണൂര് എന്നിങ്ങനെ ക്യാമ്പുകള് നടക്കും. തലശ്ശേരി താലൂക്കില് ഇന്ന് 1 മണി – അപ്ലൈഡ് സയന്സ് കോളേജ് കൂത്തുപറമ്പ്. നാളെ 11 മണി – കൂത്തുപറമ്പ് എംജി കോളേജ്. 30 ന് 11 മണി – എന്ജിനീയറിങ് കോളേജ് തലശ്ശേരി എന്നിവിടങ്ങളിലും ഇരിട്ടിയില് ഇന്നും നാളെയും രാവിലെ 11 മണിക്ക് ആറളം ഫാം ആദിവാസി മേഖലയിലും 30 ന് രാവിലെ 10.30 ന് മട്ടന്നൂര് യൂണിവേഴ്സല് കോളേജിലും ക്യാമ്പ് നടക്കും. തളിപ്പറമ്പ് താലൂക്കില് ഇന്ന് 11 മണിക്ക് കോറോം ശ്രീനാരായണഗുരു കോളേജ് ഓഫ് എന്ജിനീയറിങ്ങിലും 2 മണിക്ക് കുറ്റൂര് ആദിത്യകിരണ് അപ്ലൈഡ് സയന്സ്, ബിഎഡ് കോളേജുകളിലും നാളെ 11 മണിക്ക് വെള്ളാട് ഫര്ലോങ്ങര ആദിവാസി കോളനിയിലുമാണ് ക്യാമ്പ്.
