കണ്ണൂര്: ജില്ലയില് എന്സിപിയില് പൊട്ടിത്തെറി. ഒരുവിഭാഗം യോഗം ചെര്ന്നു. പാര്ട്ടിയെ ജനമധ്യത്തിലും ഘടക കക്ഷികളുടെ ഇടയിലും അപകീര്ത്തിപ്പെടുത്തുന്ന രീതിയിലുള്ള ഇന്നത്തെ എന്സിപി ജില്ലാ നേതൃത്വത്തിന്റെ തെറ്റായ പ്രവര്ത്തനത്തിനെതിരെ പഴയ എന്സിപി പ്രവര്ത്തകരുടെ നേതൃത്വത്തിലുള്ള ഒരുവിഭാഗമാണ് യോഗം ചേര്ന്നത്. പാര്ട്ടിയുടെ മൂല്യങ്ങള്ക്കും പ്രഖ്യാപിത നയത്തിനും എതിരായി സദാചാര മൂല്യങ്ങള്ക്ക് വിലകല്പ്പിക്കാത്ത ജില്ലാ നേതൃത്വത്തിന്റെ വഴിപിഴച്ച പ്രവര്ത്തനത്തിനെതിരെ യോഗം ശക്തമായ പ്രതിഷേധം രേഖപ്പെടുത്തി. ജില്ല നേതൃത്വത്തിന്റെ വഴി പിഴച്ച നടപടിക്കെതിരെ പ്രവര്ത്തകന്മാരെ സംഘടിപ്പിച്ചു പൊരുതുവാന് യോഗം ആഹ്വാനം ചെയ്തു. യോഗത്തില് എന്സിപി സ്റ്റേറ്റ് എക്സിക്യുട്ടീവ് അംഗം കെ.കെ.രാജന് അധ്യക്ഷതയില് സംസ്ഥാന ജനറല് സെക്രട്ടറി കെ.എ.ഗംഗാധരന് ഉദ്ഘാടനം ചെയ്തു. നിര്വ്വാഹക സമിതി അംഗം കെ.വിനയരാജ് സ്വാഗതം പറഞ്ഞു. സ്റ്റേറ്റ് കമ്മറ്റി മെമ്പര്മാരായ എം.മുകുന്ദന്, എം.പ്രഭാകരന്, സി.എച്ച്.പ്രഭാകരന്, വി.സി.വാമനന്, വി.കുമാരന്, ഒ.പി.ലക്ഷ്മണന്, എന്സിപി ജില്ലാ കമ്മറ്റി മെമ്പര്മാരായ വി.വി.രാജന്, പി.വി.സുഗുണന്, കെ.എം.സുരേഷ്, കെ.ശിവദാസ്, രവിനമ്പ്രാം, ബ്ലോക്ക് പ്രസിഡണ്ടുമാരായ ജയാനന്ദന്, പവിത്രന് എന്നിവര് പ്രസംഗിച്ചു.
പ്രതികരിക്കാൻ ഇവിടെ എഴുതുക: