കണ്ണൂര്: 2016 ലെ സംക്ഷിപ്ത വോട്ടര്പട്ടിക പുതുക്കലുമായി ബന്ധപ്പെട്ട് കണ്ണൂര് താലൂക്ക് ഓഫീസിലെ ഇലക്ഷന് വിഭാഗത്തിന്റെ നേതൃത്വത്തില് കണ്ണൂര്, കല്യാശ്ശേരി, അഴീക്കോട്, ധര്മടം നിയോജകമണ്ഡലങ്ങളുടെ പരിധിയിലെ വിദ്യാഭ്യാസസ്ഥാപനങ്ങളില് ക്യാമ്പ് സംഘടിപ്പിക്കുന്നു. 2016 ജനുവരി 1 ന് 18 വയസ്സ് തികയുന്ന എല്ലാ വിദ്യാര്ത്ഥികള്ക്കും പേര് ചേര്ക്കാവുന്ന വിധം ബന്ധപ്പെട്ട സ്ഥാപന മേധാവികള് സ്ഥാപനത്തിലെ ഇന്റര്നെറ്റ് സൗകര്യം ഉള്പ്പെടെ ഉപയോഗപ്പെടുത്തി സഹകരിക്കണമെന്ന് തഹസില്ദാര് അറിയിച്ചു.
വിദ്യാര്ത്ഥികള്ക്ക് സ്വന്തമായും വിദ്യാഭ്യാസസ്ഥാപനത്തിലെ ഇന്റര്നെറ്റ് സംവിധാനം പ്രയോജനപ്പെടുത്തിയും ംംം.രലീ.സലൃമഹമ.ഴീ്.ശി എന്ന സൈറ്റിലൂടെ 30 വരെ ഓണ്ലൈനായി അപേക്ഷ നല്കാവുന്നതാണ്. അപേക്ഷ സമര്പ്പിക്കുന്നതിന് നിലവില് വോട്ടര്പട്ടികയില് പേരുള്ള കുടുംബാംഗങ്ങളുടെയോ അയല്ക്കാരുടെയോ തിരിച്ചറിയല് കാര്ഡ് നമ്പര്, വീട്ടുനമ്പര്, വാര്ഡ് നമ്പര് എന്നിവ ആവശ്യമാണ്. ക്യാമ്പ് ദിവസം വിദ്യാര്ത്ഥികള് ഈ വിവരങ്ങള് കൊണ്ടുവരണം. ഫോട്ടോ പിന്നീട് ബിഎല്ഒയുടെ കൈയില് കൊടുത്തയച്ചാല് മതിയാകും.
വിവിധ സ്ഥാപനങ്ങളില് ക്യാമ്പ് നടക്കുന്ന തീയതിയും സമയവും. 25: രാവിലെ 10.30 – ചിന്മയ മിഷന് കോളേജ് തളാപ്പ്, കൃഷ്ണമേനോന് കോളേജ്, തോട്ടട എസ്എന് കോളേജ്, തോട്ടട ഐടിഐ, വനിതാ ഐടിഐ, 2 മണി – തോട്ടട പോളിടെക്നിക്. നവംബര് 26: 10.30 – ഏച്ചൂര് നളന്ദ കോളേജ്, അഞ്ചരക്കണ്ടി ഇന്റഗ്രേറ്റഡ് ക്യാമ്പസ്, എംഐടി, കാഞ്ഞിരോട് നെഹര് കോളേജ്, എകെജി നഴ്സിങ് കോളേജ്/സ്കൂള് മാവിലായി, കല്യാശ്ശേരി മോഡല് പോളിടെക്നിക്, പിലാത്തറ സെന്റ് ജോസഫ്സ് കോളേജ്, പരിയാരം മെഡിക്കല് കോളേജ്, ഡെന്റല് കോളേജ്, പാരാമെഡിക്കല്/നഴ്സിങ് കോളേജ്, പരിയാരം ഗവ. ആയുര്വേദ കോളേജ്, മാടായി സഹകരണ കോളേജ്, നെരുവമ്പ്രം അപ്ലൈഡ് സയന്സ് കോളേജ്, കക്കാട് ധനലക്ഷ്മി നഴ്സിങ് കോളേജ്, 11 മണി – ചാല ചിന്മയ ആര്ട്സ് ആന്റ് സയന്സ് കോളേജ്, പയ്യന്നൂര് കോളേജ്, 2 മണി – കോളേജ് ഓഫ് എന്ജിനീയറിങ് ആന്റ് ടെക്നോളജി കൈതപ്രം, പിലാത്തറ സഹകരണ കോളേജ്, ക്രസന്റ് കോളേജ് മാടായി, ക്രസന്റ് നഴ്സിങ് കോളേജ് രാമപുരം. നവംബര് 27: 10.30 – കൊയിലി നഴ്സിങ് കോളേജ് കാട്ടാമ്പള്ളി, കോളേജ് ഓഫ് കോമേഴ്സ് കണ്ണൂര്, ജേബീസ് കോളേജ് പള്ളിക്കുളം, 12 മണി – കൈരളി കോളേജ് തായത്തെരു, 2 മണി – കൊയിലി നഴ്സിങ് സ്കൂള് കണ്ണൂര്, ഗവ. നഴ്സിങ് കോളേജ് കണ്ണൂര്.
