കണ്ണൂര്‍: കാന്‍സര്‍ ബോധവത്കരണത്തോടൊപ്പം കേരളത്തില്‍ ആശങ്കാജനകമായി വര്‍ധിച്ചുവരുന്ന സ്തനാര്‍ബുദം എന്ന രോഗത്തെ നേരത്തെ കണ്ടെത്തുന്നതിന് സഹായമായി സഞ്ചരിക്കുന്ന മാമോഗ്രാം യൂണിറ്റും സഞ്ജീവനി പദ്ധതിയും നടപ്പിലാക്കും. ഇതിന്റെ ധനസമാഹരണത്തിനായി 23 മുതല്‍ കണ്ണൂരില്‍ 45 ദിവസം നീണ്ടു നില്‍ക്കുന്ന കാന്‍ഫയര്‍-2015 അഖിലേന്ത്യാ വിദ്യാഭ്യാസ വിനോദ സഞ്ചാര വ്യവസായിക ശാസ്ത്ര പ്രദര്‍ശനം നടത്തും. വര്‍ധിച്ചുവരുന്ന കാന്‍സര്‍ രോഗി നിരക്ക് കുറക്കുന്നത് ലക്ഷ്യമിട്ടുകൊണ്ട് സൊസൈറ്റിയുടെ രജതജൂബിലിയോടനുബന്ധിച്ച് 25 ഇന കര്‍മ്മ പരിപാടികള്‍ കഴിഞ്ഞ ഒരു വര്‍ഷമായി എംസിസിഎസ് നടപ്പിലാക്കി വരികയാണ്. കൂടുതലായി കണ്ടുവരുന്ന വായ, സ്തനം, ഗര്‍ഭാശയം, പ്രോസ്റ്റേറ്റ്, മലദ്വാരം, തൈറോയ്ഡ് കാന്‍സര്‍ തുടങ്ങിയ നേരത്തെ കണ്ടത്തുവാനും കാന്‍സര്‍ പ്രതിരോധത്തിനുതകുന്ന ജീവിത ശൈലി സ്വായത്തമാക്കുന്നതിനുമുള്ള ബോധവത്കരണ കര്‍മ്മ പരിപാടികള്‍ക്കാണ് 25 ഇന പരിപാടിയില്‍ പ്രധാനം. പ്രദര്‍ശനവുമായി ബന്ധപ്പെട്ട് കേന്ദ്ര സംസ്ഥാന സര്‍ക്കാര്‍ പവലിയനുകള്‍ക്ക് പുറമേ മെഡിക്കല്‍, കാന്‍സര്‍ പവലിയനുകളും എഞ്ചിനിയറിങ്ങ് പവലിയനുകളും ഉണ്ടായിരിക്കും. അന്താരാഷ്‌ട്ര നിലവാരമുള്ള അമ്യൂസ്‌മെന്റ് പാര്‍ക്ക് അടക്കം പ്രദര്‍ശന സജ്ജീകരണമുള്ള ബാംഗ്ലൂര്‍ ആസ്ഥാനമായി പ്രവര്‍ത്തിക്കുന്ന ഫണ്‍ വേള്‍ഡ് ആന്റ് റിസോര്‍ട്ട് ഇന്ത്യയുടെ സഹായത്തോയെയും സജീവ പങ്കാളിത്തോടെയുമാണ് പ്രദര്‍ശനം നടത്തുന്നത്. പ്രദര്‍ശനത്തിന്റെ ഉദ്ഘാടനത്തിനായി ഗവര്‍ണര്‍, കേന്ദ്ര ആരോഗ്യമന്ത്രി, മുഖ്യമന്ത്രി തുടങ്ങിയ പ്രമുഖ വ്യക്തികളെത്തും. ഇതോടനുബന്ധിച്ച് കാന്‍സര്‍ ചികിത്സാ രംഗത്ത് 25 വര്‍ഷം പൂര്‍ത്തിയാക്കിയ ഡോ.കൃഷ്ണന്‍ നായര്‍, ഡോ.വി.വി.ഗംഗാധരന്‍, ഡോ.രാംദാസ്, ഡോ.ബാബു മാത്യു തുടങ്ങി 10 പേരെയും കേരളത്തിലെ ജയിലുകളെ പുകവലി വിമുക്തമാക്കി ലോകോത്തര മാതൃകയാക്കുന്നതില്‍ നിര്‍ണായക പങ്ക് വഹിച്ച മുന്‍ ജയില്‍ ഡിജിപിയും ഇപ്പോഴത്തെ ഡിജിപിയുമായ ടി.പി.സെന്‍കുമാറിനെയും ആദരിക്കും.
മലബാര്‍ കാന്‍സര്‍ കെയര്‍ സൊസൈറ്റി സഞ്ചരിക്കുന്ന മാമോഗ്രാം യൂണിറ്റ് സ്ഥാപിക്കും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.