ഇന്ദിര അവരുടെ സുരക്ഷ ഭടന്മാരാല് കൊല്ലപ്പെട്ടപ്പോള്, അവര് സിഖുകാരായിരുന്ന കാരണത്താല് ദല്ഹിയില് വര്ഗ്ഗീയ കലാപം ഉണ്ടാക്കി മൂവായിരത്തോളം സാധാരണ സിഖുകാരെ കോണ്ഗ്രസ് പാര്ട്ടിയുടെ നേതൃത്വത്തില് കൊലപ്പെടുത്തിയതില് ആ പാര്ട്ടിയ്ക്കെതിരെ ഒരുവിധ പ്രതിഷേധങ്ങളും ന്യൂനപക്ഷങ്ങളും കമ്മ്യൂണിസ്റ്റു പാര്ട്ടികളും നടത്തിയില്ല. ഇന്ദിര കൊല്ലപ്പെട്ടപ്പോള് കുടുംബ വാഴ്ച പ്രകാരം മാത്രം പ്രധാനമന്ത്രിയായ രാജീവ് സിഖുകാര്ക്കെതിരെ പാര്ട്ടി നേതാക്കള് നടത്തിയ വംശഹത്യ നിയന്ത്രിക്കുവാന് ഒരുവിധ നടപടികളും ചെയ്തില്ല.
വന്മരം വീഴുമ്പോള് ഭൂമി കുലുങ്ങും എന്നൊക്കെ കലാപത്തെ ന്യായീകരിച്ച് രാജീവ് അടിച്ചുവിടുകയും ചെയ്തു. കോണ്ഗ്രസ് നേതാക്കള് അത് ഏറ്റുപാടുകയും ചെയ്തു. സിഖു വിരുദ്ധ കലാപത്തില് രാജീവു ഉള്പ്പെടെയുള്ള കോണ്ഗ്രസുകാര്ക്കു വ്യക്തമായ പങ്കുണ്ടെങ്കിലും കലാപവുമായി ബന്ധപ്പെട്ട കേസുകള് കോണ്ഗ്രസ് സര്ക്കാര് ഇല്ലാതാക്കി. ഗുജറാത്തിലെ കലാപത്തില് നരേന്ദ്ര മോദിജിയ്ക്കു ഒരുവിധ പങ്കുമില്ലെങ്കിലും അദ്ദേഹത്തെ കുറ്റക്കാരനാക്കി ലോക വ്യാപകമായി പ്രചരണങ്ങള് ചെയ്തു.
ഗുജറാത്തു കലാപത്തില് നരേന്ദ്ര മോദിജി കുറ്റക്കാരനല്ലെന്നു സുപ്രീം കോടതി വിധിയും പുറപ്പെടുവിച്ചു. ഉത്തര് പ്രദേശിലെ ഒരു ഗ്രാമത്തില് നടന്ന പ്രാദേശിക സംഘര്ഷങ്ങളില് ഒരാള് കൊല്ലപ്പെട്ടത് ഒരുവിധ രാഷ്ട്രീയ ഉദ്ദേശ്യങ്ങളും ഇല്ലാത്ത സംഭവമായിരുന്നു. എങ്കിലും അങ്ങനെയുള്ള സംഭവത്തെ ന്യൂനപക്ഷ വര്ഗ്ഗീയ പ്രീണനവും ഹിന്ദുവിരുദ്ധ രാഷ്ട്രീയവും കയറ്റി പ്രധാനമന്ത്രി നരേന്ദ്രമോദിക്കും ഹിന്ദു സമൂഹത്തിനുമെതിരെ വ്യാപകമായി പ്രചരിപ്പിച്ചപ്പോള് ഭാരതം ലോകത്തില് അപമാനിക്കപ്പെട്ടു. ഉത്തര് പ്രദേശിലെ ഒരു ഗ്രാമത്തില് നടന്ന സംഭവങ്ങളില് പിടിക്കപ്പെട്ടവരില് പ്രധാന പ്രതി കേജ്രിവാളിന്റെ പാര്ട്ടിയുടെ ഒരു പ്രാദേശിക നേതാവായിരുന്നു എന്ന കാര്യങ്ങള് മതേതര രാഷ്ട്രീയക്കാരും മതേതര മാദ്ധ്യമങ്ങളും മറച്ചും വെച്ചു. ഉത്തര് പ്രദേശിലെ സര്ക്കാരിനു ഉത്തര് പ്രദേശില് നടന്ന സംഭവങ്ങളില് ഉത്തരവാദിത്വവുമില്ല. കര്ണ്ണാടകയില് ഒരു എഴുത്തുകാരന് കൊല്ലപ്പെട്ടതില് കര്ണ്ണാടകയിലെ കോണ്ഗ്രസ് സര്ക്കാരിനെതിരെ ഒരു പ്രതിഷേധവുമില്ല. പ്രതിഷേധമെല്ലാം ഭാരത പ്രധാനമന്ത്രി നരേന്ദ്ര മോദിക്കെതിരെ മാത്രം.
ശ്രീകുമാര്
