മട്ടന്നൂര്: ഇ.പി.ജയരാജന് എംഎല്എയുടെ പ്രാദേശിക വികസനഫണ്ടില്നിന്നും മട്ടന്നൂര് നിയോജകമണ്ഡലത്തിലെ എല്ലാ സര്ക്കാര്, എയ്ഡഡ് സ്കൂളുകളിലും പ്രീപ്രൈമറി മുതല് ഹൈസ്കൂള് ക്ലാസ്വരെയുള്ള വിദ്യാര്ഥികള്ക്ക് മുട്ടയും പാലും നല്കുന്ന പദ്ധതി ഇന്ന് തുടങ്ങും. മണ്ഡലംതല ഉദ്ഘാടനം രാവിലെ പത്തിന് കൂടാളി ഹയര്സെക്കന്ഡറി സ്കൂളില് പി.കെ.ശ്രീമതി എംപി ഉദ്ഘാടനം ചെയ്യും. ഇ.പി.ജയരാജന് എംഎല്എ അധ്യക്ഷനാകും. ജനപ്രതിനിധികളും വിദ്യാഭ്യാസ-സാംസ്കാരിക രംഗത്തെ പ്രമുഖരും രാഷ്ട്രീയപാര്ടി പ്രതിനിധികളും പങ്കെടുക്കും.
കീഴല്ലൂര് പഞ്ചായത്ത്തല ഉദ്ഘാടനം ഇന്ന് പകല് 11.30ന് എടയന്നൂര് ഗവ. വൊക്കേഷണല് ഹയര്സെക്കന്ഡറി സ്കൂളില് ആകാശവാണി കണ്ണൂര് നിലയം മേധാവി കെ.ബാലചന്ദ്രന് നിര്വഹിക്കും. പഞ്ചായത്ത് പ്രസിഡന്റ് എം.രാജന് അധ്യക്ഷനാകും. മട്ടന്നൂര് നഗരസഭാതല ഉദ്ഘാടനം 12.30ന് മട്ടന്നൂര് ഹയര്സെക്കന്ഡറി സ്കൂളില് കിയാല് എംഡി ജി.ചന്ദ്രമൗലി നിര്വഹിക്കും. നഗരസഭാ ചെയര്മാന് കെ.ഭാസ്കരന് അധ്യക്ഷനാകും.
23ന് രാവിലെ 9.30ന് പടിയൂര് ഗവ. ഹയര്സെക്കന്ഡറി സ്കൂളില് സിനി ആര്ടിസ്റ്റ് ശിവദാസ് മട്ടന്നൂര് ഉദ്ഘാടനം ചെയ്യും. പഞ്ചായത്ത്പ്രസിഡന്റ് കെ.ശ്രീജ അധ്യക്ഷത വഹിക്കും. 12.30ന് തില്ലങ്കേരി സിഎച്ച്എംഎച്ച്എസ്എസില് യു ബാലചന്ദ്ര മേനോന് ഉദ്ഘാടനം ചെയ്യും. പഞ്ചായത്ത് പ്രസിഡന്റ് പി.പി.സുഭാഷ് അധ്യക്ഷനാകും. 2.30ന് കോളയാട് സെന്റ് കോര്ണേലിയൂസ് എച്ച്എസ്എസില് ഫാദര് ജോളി ഡിസില്വ ഉദ്ഘാടനം ചെയ്യും. പഞ്ചായത്ത് പ്രസിഡന്റ് കെ.പി.സുരേഷ്കുമാര് അധ്യക്ഷനാകും. 3.30ന് ആയിത്തറ മമ്പറം ജിഎച്ച്എസ്എസില് ബ്ലോക്ക് പഞ്ചായത് പ്രസിഡന്റ് എ.അശോകന് ഉദ്ഘാടനം ചെയ്യും. എംഎല്എ ഫണ്ടില്നിന്നും ആദ്യഘട്ടത്തില് 60 ലക്ഷം രൂപ ചെലവഴിച്ചാണ് എല്ലാ അധ്യയന ദിവസവും മുട്ടയും പാലും നല്കുന്ന പദ്ധതി നടപ്പാക്കുന്നത്.
