കോട്ടയം: കേരളത്തിലെ ഹിന്ദുഐക്യത്തിന്റെ കാഹളമായി നായര് യുവജനസംഗമം. എല്ലാ നായര് യുവതീ-യുവാക്കള്ക്കും ഉന്നതവിദ്യാഭ്യാസം എല്ലാവീട്ടിലും ഓരോ ബിസിനസ് എന്ന സന്ദേശവുമായി നായര് യൂത്ത്മൂവ്മെന്റ് സംഘടിപ്പിച്ച യുവജനസംഗമം എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് ഉദ്ഘാടനം ചെയ്തു. മുന് ഐസ്ആര്ഒ ചെയര്മാന് ഡോ. ജി.മാധവന് നായര് അദ്ധ്യക്ഷത വഹിച്ചു. ഹിന്ദുഐക്യം വര്ത്തമാനകാല കേരളത്തിന് അനിവാര്യമാണെന്ന് അദ്ദേഹം പറഞ്ഞു. ഭാരതത്തിലാകമാനം അത്തരം മാറ്റങ്ങള് കണ്ടുതുടങ്ങിയിട്ടുണ്ട്. രാജ്യത്തെ അധികാരമാറ്റം 60 വര്ഷത്തിനിടയിലുണ്ടായ വലിയ പരിവര്ത്തനമാണ്. നരേന്ദ്രമോദി ഗുജറാത്തില് മുഖ്യമന്ത്രിയായിരുന്നപ്പോള് അടുത്ത് ഇടപഴകാന് സാധിച്ചിട്ടുണ്ട്. അഴിമതിയുടെ കൂത്തരങ്ങായ ഗുജറാത്തിനെ അഴിമതിമുക്തമാക്കി ഇന്നത്തെ അസ്ഥയിലെത്തിച്ചത് മോദിയുടെ ഇച്ഛാശക്തിയാണ്. അദ്ദേഹം പ്രധാനമന്ത്രിയായ ശേഷം രാജ്യത്തുണ്ടായ സാമ്പത്തിക വളര്ച്ച എടുത്ത് പറയത്തക്കതാണെന്ന് മാധവന് നായര് പറഞ്ഞു. അസഹിഷ്ണുതയെകുറിച്ച് പറയുന്നവര് അതാര്ക്കാണെന്ന് വ്യക്തമാക്കണം. ഒറ്റപ്പെട്ട സംഭവങ്ങള് പര്വ്വതീകരിച്ച് കാണിക്കുന്നവരാണ് അസഹിഷണുത പ്രകടിപ്പിക്കുന്നത്. ഇത്രയും വലിയ ഒരു രാജ്യത്ത് ചെറിയ ചെറിയ സംഭവങ്ങള് സ്വാഭാവികമാണ്. അത് ക്രമസമാധാന പാലനത്തിന്റെ ഭാഗമായി കാണണം. അതിനെ അത്തരത്തില്തന്നെ പരിഹരിക്കുകയും ചെയ്യണമെന്നും അദ്ദേഹം പറഞ്ഞു. നായര് യുവാക്കള് നക്കാപിച്ചയുടെ പിറകെ പോകാതെ നൂറ് പേര്ക്ക് തൊഴില് കൊടുക്കാന് കഴിയുന്ന സംരംഭങ്ങള് തുടങ്ങാന് തയ്യാറാകണം. യുവ സമൂഹത്തിന് നല്ല ആശയങ്ങള് നല്കാനും നല്ല പരിശീലനം നല്കാന് കഴിയുന്ന പ്രസ്ഥാനമായി നായര് യൂത്ത്മൂവ്മെന്റ് മാറട്ടെയെന്നും അദ്ദേഹം ആശംസിച്ചു. സംഗമത്തിന് തുടക്കം കുറിച്ചുകൊണ്ട് മലബാര് നായര് സമാജം രക്ഷാധികാരി മഞ്ചേരി ഭാസ്ക്കരപിള്ള ദീപപ്രോജ്ജ്വലനം നടത്തി. സിനിമാ സംവിധായകന് മേജര് രവി മുഖ്യപ്രഭാഷണം നടത്തി. നായര് യൂത്ത്മൂവ്മെന്റ് സംസ്ഥാന പ്രസിഡന്റ് അഡ്വ.അനീഷ് മുരളീധരന് സ്വാഗതവും കര്ണ്ണാടക സംസ്ഥാന കോര്ഡിനേറ്റര് മനോജ്കുമാര് കൃതജ്ഞതയും പറഞ്ഞു.
ഹിന്ദുഐക്യത്തിന് കാഹളമൂതി നായര് യുവജന സംഗമം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.