കോട്ടയം: ദര്ശനത്തിന് പോകുന്ന അയ്യപ്പഭക്തന്മാര്ക്കൊപ്പം കെഎസ്ആര്ടിസി ബസുകളില് സ്ത്രീകള് ഉള്പ്പെടെയുള്ളവര്ക്ക് യത്ര ചെയ്യാമെന്ന ഉത്തരവ് ശബരിമല തീര്ത്ഥാടകരോടുള്ള വെല്ലുവിളിയാണെന്ന് ബിജെപി കോട്ടയം നിയോജകമണ്ഡലം കമ്മിറ്റി ആരോപിച്ചു. ഓരോ തീര്ത്ഥാടനകാലത്തും സര്ക്കാരിലേക്ക് കോടികള് ലഭിക്കുന്നുവെങ്കിലും അയ്യപ്പന്മാര്ക്ക് യാതൊരു സൗകര്യവും ഒരുക്കിക്കൊടുക്കുവാന് തങ്ങള്ക്ക് ബാദ്ധ്യതയില്ലെന്നുള്ള സര്ക്കാരിന്റെ ഇരട്ടത്താപ്പ് ഭൂഷണമല്ല.അയ്യപ്പന്മാര്ക്ക് യാത്രാസൗകര്യമൊരുക്കേണ്ട കെഎസ്ആര്ടിസിക്ക് അതിന് സാധിക്കുന്നില്ലെങ്കില് ബിജെപി ശക്തമായ സമരപരിപാടികളുമായി മുമ്പോട്ട് വരും. യാത്രസൗകര്യമൊരുക്കുവാന് സാധിക്കാത്ത ഗതാഗത മന്ത്രി തിരുവഞ്ചൂര് രാജിവച്ചൊഴിയണമെന്നും നിയോജകമണ്ഡലം പ്രസിഡന്റ് സി. എന്.സുഭാഷിന്റെ അദ്ധ്യക്ഷതയില് ചേര്ന്ന യോഗം ആവശ്യപ്പെട്ടു.
പി.ജെ.ഹരികുമാര്, കുടമാളൂര് രാധാകൃഷ്ണന്, നാസര് റാവുത്തര്, ഡോ. പ്രവീണ് ജോര്ജ്ജ് ഇട്ടിച്ചെറിയ തുടങ്ങിയവര് സംസാരിച്ചു.
പ്രതികരിക്കാൻ ഇവിടെ എഴുതുക: