കണ്ണൂര്: യുദ്ധഭൂമിയില് വീരമൃത്യു വരിച്ച സൈനികരെയും കുടുംബാംഗങ്ങളെയും വിമുക്തഭടന്മാരെയും സ്മരിക്കുന്നതിന് ആചരിക്കുന്ന ആംഡ് ഫോഴ്സസ് ഫഌഗ്ഡേ ഡിസം.7 ന് നടത്തും. രാവിലെ 10.30 ന് യുദ്ധസ്മാരകത്തില് പുഷ്പചക്രമര്പ്പിച്ചശേഷം കലക്ടറേറ്റ് കോണ്ഫറന്സ് ഹാളില് ജില്ലാ കലക്ടര് പി.ബാലകിരണ് ഉദ്ഘാടനം ചെയ്യും.
ഇതോടനുബന്ധിച്ച് 15 ലക്ഷം ഫഌഗുകള് ജില്ലയിലെ സ്കൂളുകള്, സര്ക്കാര് ഓഫീസുകള് എന്നിവിടങ്ങളില് വിതരണം ചെയ്യും. ഫഌഗ് ഫണ്ടിലേക്ക് നല്കുന്ന സംഭാവനകള് ആദായനികുതിയില് നിന്ന് ഒഴിവാക്കും. 2014-15 വര്ഷം ഫഌഗ്ഡേ ഫണ്ടുപയോഗിച്ച് നിരവധി സഹായങ്ങള് നല്കിയതായി കലക്ടറുടെ ചേമ്പറില് നടന്ന ജില്ലാ സൈനിക ബോര്ഡ് യോഗത്തില് അവതരിപ്പിച്ച റിപ്പോര്ട്ടില് പറഞ്ഞു. സൈനികരുടെ വിധവകള്ക്കുളള ധനസഹായം, വിമുക്ത ഭടന്മാരുടെ മക്കള്ക്കുളള വിവാഹധനസഹായം, മാനസിക വൈകല്യമുളള കുട്ടികള്ക്കും അന്ധര്ക്കുമുളള സഹായം, എന്ട്രന്സ് കോച്ചിംഗ് ഫീസ് എന്നിങ്ങനെ 14,06,800 രൂപ കഴിഞ്ഞവര്ഷം വിതരണം ചെയ്തു.
യുദ്ധത്തില് വീരമൃത്യു വരിച്ച സൈനികരുടെ കുടുംബങ്ങളുടെ പുനരധിവാസം, വിമുക്ത ഭടന്മാരുടെയും ആശ്രിതരുടെയും പുനരധിവാസം, അതിര്ത്തി കാക്കുന്ന സൈനികരുടെയും കുടുംബങ്ങളുടെയും ക്ഷേമം എന്നീ കാര്യങ്ങള്ക്കാണ് ഫണ്ടുപയോഗിക്കുക. യോഗത്തില് ജില്ലാ ഫഌഗ്ഡേ ഫണ്ട് പ്രസിഡണ്ട് കൂടിയായ ജില്ലാ കലക്ടര് പി.ബാലകിരണ് അധ്യക്ഷത വഹിച്ചു. ഫഌഗ്ഡേ വിജയിപ്പിക്കണമെന്ന് അദ്ദേഹം അഭ്യര്ത്ഥിച്ചു. ജില്ലാ സൈനിക ക്ഷേമ ഓഫീസര് കെ ജോഷി ജോസഫ്, അസി.ഓഫീസര് ബി.രാമചന്ദ്രന്, കേണല് എന് വി ജി നമ്പ്യാര് തുടങ്ങിയവര് സംസാരിച്ചു.
