കടുത്തുരുത്തി: മരണവീട്ടില് നിന്നും സ്വര്ണ്ണ മോഷണം നടത്തിയ പ്രതി പിടിയില്. കല്ലറ മുണ്ടാര് സ്വദേശി അജി(37) നെയാണ് കടുത്തുരുത്തി പോലീസ് അറസ്റ്റ് ചെയ്തത്. കല്ലറ-പൂഞ്ഞാര് പള്ളി വടക്കേടത്ത് വടക്കേപറമ്പില് വിശ്വനാഥന്റെ വീട്ടില് നവംബര് ഒന്നിന് ബന്ധുവിന്റെ മരണം നടന്നിരുന്നു. സംസ്കാര ചടങ്ങുകള് നടക്കുന്നതിനിടയിലാണ് പ്രതി വിശ്വനാഥന്റെ ഭാര്യ സന്ധ്യയുടെ 22 പവന് സ്വര്ണ്ണാഭരണങ്ങളുമായി കടന്നുകളഞ്ഞത്. തുടര്ന്നു നടന്ന അന്വേഷണത്തിലാണ് പ്രതിയേ അന്നേദിവസം മരണവീട്ടില് സംശയാസ്പദമായ സാഹചര്യത്തില് കണ്ട വിവരം ലഭിക്കുന്നത്. തുടര്ന്ന് പോലീസ് ഇയാളെ കസ്റ്റഡിയില് എടുത്തു ചോദ്യം ചെയ്യുകയായിരുന്നു. പ്രതിയുടെ പക്കല് നിന്നും സ്വര്ണാഭരണങ്ങള് കണ്ടെത്തി. ഇയാളെ വൈക്കം മുന്സിഫ് കോടതിയില് ഹാജരാക്കി. 14 ദിവസത്തേക്ക് റിമാന്റ് ചെയ്തു.
മരണവീട്ടില് മോഷണം: പ്രതി പിടിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.