ചാത്തന്നൂര്: ജില്ലാ പഞ്ചായത്ത് കല്ലുവാതുക്കല് ഡിവിഷനില് രണ്ടാം സ്ഥാനത്ത് എത്തി നിര്ണായക ശക്തിയായി ബിജെപി മാറി. കല്ലുവാതുക്കല്, പൂതക്കുളം പഞ്ചായത്തുകളും ചിറക്കര പഞ്ചായത്തിലെ മൂന്ന് വാര്ഡുകളും ഉള്പെട്ടതാണ് ഈ ഡിവിഷന്. കല്ലുവാതുക്കല് പഞ്ചായത്ത് സമിതി പ്രസിഡന്റ് ഗോപകുമാര് ആയിരുന്നു സ്ഥാനാര്ഥി. സിപിഎം ഏരിയാ കമ്മിറ്റിയംഗം വി.ജയപ്രകാശ് ആണ് ഇവിടെ വിജയിച്ചത്. ആകെ വോട്ട്: 59986, പോള് ചെയ്തത്:44177, വി.ജയപ്രകാശ്(സിപിഎം): 21523, ഗോപകുമാര്(ബി.ജെ.പി):12281, കെ.വിജയചന്ദ്രന്(യുഡിഎഫ്): 8025, ലാലു(സ്വത): 974, അസാധു: 144 എന്നിങ്ങനെയാണ് വോട്ടുനില. ഇഞ്ചോടിഞ്ച് പോരാട്ടം നടന്ന ഇവിടെ ജയപ്രകാശിനു ഭൂരിപക്ഷം 9242 വോട്ടുകളാണ്. ഡിവിഷനില് ബിജെപി നിര്ണ്ണായകശക്തിയായി മാറുന്നതാണ് കണ്ടത്. സിപിഎമ്മിന്റെ കുത്തക സീറ്റെന്ന് അവകാശപ്പെടുന്ന ഇവിടെ ബിജെപിയുടെ വോട്ടിങ് ശതമാനം ഉയര്ന്നത് ഇരുമുന്നണികള്ക്കും ജനപിന്തുണ കുറഞ്ഞ് വരുന്നുവെന്നതിന് തെളിവാണ്.
.
