തളിപ്പറമ്പ്: അഖിലഭാരത അയ്യപ്പസേവാ സംഘത്തിന്റെ ആഭിമുഖ്യത്തില് തളിപ്പറമ്പില് ആരംഭിക്കുന്ന ഇടത്താവളത്തിന്റെ പ്രവര്ത്തനം 17 മുതല് ആരംഭിക്കും. ദേശീയപാതയില് നെല്ല്യോട്ട് ഭഗവതി ക്ഷേത്രത്തിന് സമീപമാണ് ഇടത്താവളമുണ്ടാവുക. ഇതര സംസ്ഥാനങ്ങളില് നിന്നെത്തുന്ന അയ്യപ്പഭക്തര്ക്കുള്പ്പെടെ വിരി വെക്കുന്നതിനും പ്രാഥമിക കര്മ്മങ്ങള് നടത്തുന്നതിനും കുളിക്കുന്നതിനും ഇവിടെ സൗകര്യമുണ്ട്. വിശാലമായ വാഹന പാര്ക്കിങ്ങിനും ഇവിടെ സൗകര്യമൊരുക്കും. കേരളത്തില് അയ്യപ്പസേവാ സംഘം നടത്തുന്ന 27 ഇടത്താവളങ്ങളില് മലബാര് മേഖലയിലുളള ഏക ഇടത്താവളമാണ് ഇത്. മൂന്നു നേരവും അയ്യപ്പഭക്തര്ക്ക് സൗജന്യ ഭക്ഷണവും ഉണ്ടായിരിക്കും. രാവിലെ 7 മണി മുതല് പ്രഭാത ഭക്ഷണവും 11 മുതല് ഊണും വൈകുന്നേരം 4 മുതല് രാത്രി 12 മണി വരെ ഊണും ഉപ്പുമാവും ഉള്പ്പെടെയുളള ഭക്ഷണം നല്കും. ഇതര സംസ്ഥാനങ്ങളില് നിന്നുള്ളവര്ക്ക് അവര്ക്കിഷ്ടമുള്ള പച്ചരിച്ചോറും ഈ വര്ഷം മുതല് ലഭ്യമാക്കും. അയ്യപ്പസേവാ സംഘത്തിന്റെ വിവിധ യൂണിറ്റുകളില് നിന്നെത്തുന്ന പ്രവര്ത്തകര് ശ്രമദാനമായിട്ടാണ് സേവനം നടത്തുന്നത്. പരിപാടിയുടെ ഉദ്ഘാടനം 17 ന് രാവിലെ 11 മണിക്ക് മലബാര് ദേവസ്വം ബോര്ഡ് ചെയര്മാന് സജീവ് മാറോളി നിര്വഹിക്കും.
അഖിലഭാരത അയ്യപ്പസേവാ സംഘം ഇടത്താവളം 17 മുതല് പ്രവര്ത്തിക്കും
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.