കാലം മാറുന്നതിനനുസരിച്ച് കോലം മാറുന്ന രാഷ്ട്രീയക്കാരെ പോലുള്ളവരാണ് ഈ നാടിന്റെ ശാപം. മനസ്സാക്ഷിയും സത്യസന്ധതയും കൈമുതലായ ഒരു നല്ല നാളെക്കായി നമുക്കൊരുമിച്ചു കൈകോര്ക്കാം .തകര്ച്ചയില് നിന്ന് പാഠം പഠിക്കാത്ത ഇവരുടെ പൊതു ജീവിതത്തില് തൊട്ടാകട്ടെ നാളത്തെ മന്ത്രിമാരുടെ സത്യപ്രതിജ്ഞ.
നിഖില്
രാഷ്ട്രീയപ്രസ്ഥാനത്തിന്റെ ജീര്ണ്ണത ഭരണതലത്തിലുള്ള നടപടികളിലും ഉണ്ടാകും. രാഷ്ട്രീയപ്രസ്ഥാനങ്ങളാണ് ആദ്യം നന്നാകേണ്ടത്. ഏതു വിധേനയും നേതാവാകുക, അധികാരം കൈയാളുക, അഴിമതി നിര്ഭയം നിരന്തരം ചെയ്തുകൊണ്ടിരിക്കുക. എല്ലാ പാര്ട്ടികളിലും ഇതുതന്നെ സ്ഥിതി. ലാവലിന് കേസില്പ്പെട്ട പിണറായി വിജയനും മാര്ക്സിസ്റ്റു പാര്ട്ടിക്കും ഇതു സംഭവിച്ചു. ചെറിയ തെറ്റുകള് തുടക്കത്തിലെ തിരുത്തിയില്ലെങ്കില് ഉണ്ടാകുന്ന ദുരിതങ്ങളാണു രാജ്യത്ത് ജനങ്ങള് അനുഭവിച്ചുകൊണ്ടിരിക്കുന്നതും. ഇതിനൊരു കടിഞ്ഞാണ് ഇടാന് കോടതി മാത്രം പോര. ഒരു അധികാര കേന്ദ്രം കൂടിവേണ്ടി വരുന്നു. അതു ഗവര്ണ്ണറുടെ കീഴില് ഒരു ചീഫ് മജിസ് ട്രേറ്റ് സര്ക്കാരിന്റെ ഇടപാടുകള് നിരീക്ഷിച്ചാല് കുറച്ചുകൂടി കാര്യക്ഷമമാകും ഭരണം.
ബാബു ദാമോദരന്
