കണ്ണൂര്: പോലീസ് കണ്ണൂര് റേഞ്ചിലെ ജനമൈത്രി സുരക്ഷാ പദ്ധതിയുടെ ഒന്ന് മുതല് അഞ്ചു വരെ ഘട്ടങ്ങളില് ഉള്പ്പെട്ട കാസര്ഗോഡ്, കണ്ണൂര്, വയനാട്, കോഴിക്കോട്, റൂറല്, കോഴിക്കോട് സിറ്റി എന്നീ പോലീസ് ജില്ലകളില്പെട്ട 69 ജനമൈത്രി പോലീസ് സ്റ്റേഷനുകളിലെ എസ്എച്ച്ഒ മാര്ക്കും കമ്മ്യൂണിറ്റി റിലേഷന്സ് ഓഫീസര്മാര്ക്കും പ്രസ്തുത പോലീസ് സ്റ്റേഷനുകള് ഉള്പ്പെട്ട എല്ലാ സര്ക്കിള് ഇന്സ്പെക്ടര്മാര്ക്കും വേണ്ടിയുള്ള ഒരു ദിവസത്തെ പരിശീലന ക്യാമ്പ് 13ന് രാവിലെ 9 മണി മുതല് വൈകുന്നേരം 6 മണി വരെ കണ്ണൂര് നോര്ത്ത് മലബാര് ചേമ്പര് ഓഫ് കൊമേഴ്സ് കോണ്ഫറന്സ് ഹാളില് വെച്ച് നടത്തും. പ്രസ്തുത ക്യാമ്പില് ജനമൈത്രിയുടെ ജില്ലാ നോഡല് ഓഫീസര്മാരായ ഡിവൈഎസ്പി മാരും റേഞ്ചിലെ എല്ലാ ജില്ലാ പോലീസ് മേധാവിമാരും പങ്കെടുക്കും.
കണ്ണൂര് റേഞ്ച് ഡിഐജി ദിനേന്ദ്ര കശ്യപ് സ്വാഗത പ്രഭാഷണം നടത്തും. എസ് ശ്രീജിത്ത് (ഇന്സ്പെക്ടര് ജനറല് ഓഫ് പോലീസ് (ക്രൈംസ്) ഉദ്ഘാടനം ചെയ്യും. ക്യാമ്പില് ജനമൈത്രിയുമായി ബന്ധപ്പെട്ട വിവിധ വിഷയങ്ങളെകുറിച്ച് പ്രമുഖര് ക്ലാസെടുക്കും.
കേരള വനിതാ കമ്മീഷന് ചെയര്പേഴ്സണ് കെ.സി.റോസക്കുട്ടി മോഡറേറ്ററായി ഉച്ചയ്ക്ക് ശേഷം നടക്കുന്ന ജനമൈത്രിയുമായി ബന്ധപ്പെട്ട ചര്ച്ചയില് കോഴിക്കോട്, കണ്ണൂര്, വയനാട് എന്നീ ജില്ലകളിലെ കലക്ടര്മാരും കോഴിക്കോട് ട്രാഫിക് പോലീസ് സൂപ്രണ്ട് വി.കെ.അക്ബര്, വാണിദാസ് എളയാവൂര്, ദിനകരന് കൊമ്പിലാത്ത് എന്നിവരും സമാപന സമ്മേളനത്തില് കാസര്ഗോഡ് കേന്ദ്ര സര്വ്വകലാശാല വൈസ് ചാന്സലര് പ്രൊഫ.ഡോ.ജി.ഗോപകുമാര് എന്നിവരും പങ്കെടുക്കും.
