അയ്‌മനത്ത് അജയ്യരായി ബിജെപി

കോട്ടയം: അയ്‌മനത്ത് അജയ്യശക്തിയായി ബിജെപിയുടെ പടയോട്ടം. 20 അംഗ ഗ്രാമപഞ്ചായത്തിലേക്ക് നടന്ന തെരഞ്ഞെടുപ്പില്‍ 5 പേരാണ് താമരചിഹ്നത്തില്‍ മത്സരിച്ച് വിജയിച്ചത്. സമത്വമുന്നണിയുടെ ഒരാളും വിജയിച്ചിട്ടുണ്ട്. എല്‍ഡിഎഫിന്റെ 8 അംഗങ്ങളാണ് വിജയിച്ചത്. രണ്ട് സ്വതന്ത്രരുടെ പിന്തുണയോടെ ഭരണം നേടാന്‍ കഴിയുമെന്നാണ് പ്രതീക്ഷിക്കുന്നത്. യുഡിഎഫിന് രണ്ടുപേരെ മാത്രമേ വിജയിപ്പിക്കാനായുള്ളൂ. ഇതോടെ അയ്‌മനത്ത് രണ്ടാമത്തെ വലിയ രാഷ്‌ട്രീയ സഖ്യമായി ബിജെപി-സമത്വമുന്നണി മാറിയിരിക്കുകയാണ്. ബിന്ദു ഹരികുമാര്‍(വാര്‍ഡ്-6), അനി കോട്ടയില്‍)വാര്‍ഡ് 7), രാജി സതീഷ്(വാര്‍ഡ് 12), ദേവകി ടീച്ചര്‍( വാര്‍ഡ് 15), ഉണ്ണികൃഷ്ണന്‍ മൂലയില്‍(വാര്‍ഡ് 19), സജിത സനുമോന്‍(വാര്‍ഡ്1) എന്നിവരാണ് ബിജെപി സഖ്യത്തിലെ വിജയികള്‍. 7 വാര്‍ഡുകളില്‍ നിസാരവോട്ടുകള്‍ക്കാണ് ബിജെപി-സമത്വമുന്നണി സ്ഥാനാര്‍ത്ഥികള്‍ പരാജയപ്പെട്ടത്.